قىركۇيەكتىڭ 9 كۇنى الماتىدا جوعارى سىنىپ وقۋشىلارى ءبىر مەزەتتە توعىزقۇمالاق ويىنىن ويناپ، "قازاقستاننىڭ گيننەس رەكوردتار كىتابىنا" ەندى، دەپ حاارلايدى "ادىرنا" ءتىلشىسى.
قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباعىندا توعىزقۇمالاق كۇنى اتالىپ ءوتتى. اتاۋلى كۇنگە وراي الماتىلىق 2028 مەكتەپ وقۋشىسى ءبىر مەزەتتە توعىزقۇمالاق ويىنىن ويناپ، «قازاقستاننىڭ گيننەس رەكوردتار كىتابىنا» ەندى. بۇل رەكوردتى قازاقستان گيننەس كىتابىنىڭ رەداكتورى قارلىعاش جاپپار بەكىتىپ، ارنايى رەكورد ورناتۋ تۋرالى سەرتيفيكاتىن الماتى توعىزقۇمالاق فەدەراتسياسىنىڭ پرەزيدەنتى اكىم تۇرسۇنعا تاپسىردى.
اۋقىمدى شارا تۋرالى قر وقۋ-اعارتۋ مينيسترلىگى حابارلاعان ەدى.
"9 قىركۇيەكتە توعىزقۇمالاق كۇنىنە وراي الماتى قالاسىندا توعىزقۇمالاقتان سايىس وتەدى. وعان 2000-نان استام جوعارى سىنىپ وقۋشىلارى قاتىسادى. ولاردىڭ ماقساتى — قازاقستاننىڭ گيننەس رەكوردتار كىتابىنا ەنۋ",- دەگەن بولاتىن قر وقۋ-اعارتۋ مينيسترلىگىنىڭ ءباسپاسوز قىزمەتى.
ەستەرىڭىزگە سالا كەتەيىك، 2023 جىلدىڭ 21-24 قىركۇيەگىندە الماتى قالاسىنداعى ADD ۇستەل تەننيسى ورتالىعىندا راپيد جانە بليتس بويىنشا وقۋشىلار اراسىندا توعىزقۇمالاقتان الەم چەمپيوناتى وتەدى. تۋرنيرگە الەمنىڭ 20 ەلىنەن 150-دەن استام ويىنشى قاتىسپاق.
توعىزقۇمالاق كۇنى تەك قازاقستاندا عانا ەمەس، سونىمەن قاتار وزبەكستان، موڭعوليا، قىتاي، لاتۆيا، رۋمىنيا سىندى بىرنەشە مەملەكەتتە تويلاندى.
ۇقساس جاڭالىقتار
