تۇركىستان وبلىسى پوليتسەيلەرى ورداباسى اۋدانىندا بولعان وقيعاعا قاتىستى مالىمدەمە جاسادى. ولار توعان ىشىنەن ءمايىتى تابىلعان ءجاسوسپىرىم قىزدى ءولتىردى دەگەن كۇدىكپەن 11-cىنىپ وقۋشىسىن قاماۋعا الدى، دەپ حابارلايدى "ادىرنا" ۇلتتىق پورتالى.
كۇدىكتى رەتىندە تانىلعان 11-cىنىپ وقۋشىسىنىڭ پوليتسيا بولىمىنە جەتكىزىلىپ، قاماۋعا الىنعانى حابارلاندى.
قازىرگى ۋاقىتتا پوليتسيا جان تۇرشىگەرلىك جايتتىڭ جاي-جاپسارىن انىقتاۋعا كىرىستى. تەرگەۋ قر قك-ءنىڭ 99-بابى، 2-بولىگى “ادام ءولتىرۋ” تارماعى بويىنشا جۇرگىزىلىپ جاتىر.
سونىمەن قاتار، قىرشىن كەتكەن ءجاسوسپىرىمنىڭ وقيعاسىن ءجىتى انىقتاۋ ءۇشىن سوت-مەديتسينالىق ساراپتاماسى تاعايىندالدى. تەرگەۋ ءىسىن تۇركىستان وبلىسى پوليتسيا دەپارتامەنتى باسشىلىعى جەكە باقىلاۋعا العانى ايتىلدى.
"ادىرنا" ۇلتتىق پورتالى
