وزبەكستان مەن قىرعىزستان بيلىگى كەيبىر يسلامي ءدىنشىل توپتارعا بەلگىلى ءبىر شەكتەۋلەر ەنگىزە باستادى. بۇل پروبلەما جىل وتكەن سايىن قازاقستان ءۇشىن دە وزەكتى بولىپ كەلە جاتىر.
بۇگىن وتكەن قوعامدىق كەڭەس كەزەكتى وتىرىسىندا شىمكەنت قالاسى مەن تۇركىستان وبلىسىندا مۇگەدەك ازاماتتار وتە كوپ تىركەلگەندىگى ءسوز بولدى.
وسىعان بايلانىستى مەن قوعامدىق كەڭەس مۇشەلەرى مەن جيىنعا قاتىسقان قالا اكىمىنىڭ ورىنباسارى قۋانىش اسىلوۆ پەن شىمكەنت قالاسىنىڭ دەنساۋلىق باسقارماسى باسشىسى نۇرلىبەك اسىلبەكوۆكە تومەندەگىدەي ۇسىنىس جاسادىم:
قالامىز بەن وڭىرىمىزدە جاقىن تۋىستار اراسىنداعى نەكەنى ءداستۇرلى تۇردە قولداناتىن ەتنوستار بار. جانە ولاردىڭ دەموگرافيالىق ءوسىمى وزگە ۇلتتارمەن سالىستىرعاندا اسا جوعارى.
ونىڭ ۇستىنە سوڭعى كەزدەرى كەيبىر ءدىنشىل قازاقتار دا "جاقىن تۋىستار اراسىنداعى نەكە شاريعاتقا قايشى ەمەس" دەپ ۋاعىز ايتا باستادى.
ماسەلە ۋشىعىپ كەتپەي تۇرعاندا ارەكەت جاساپ، تۋا ءبىتتى مۇگەدەك رەتىندە تىركەلگەن ازاماتتاردىڭ كەسەلدەرىنىڭ تابيعاتىن زەردەلەپ، جاقىن تۋىستار اراسىندا بولعان نەكەدەن تۋعان مۇگەدەك ازاماتتاردى ءبولىپ قاراستىرۋ كەرەك.
كەمتار ءسابيدىڭ پايدا بولۋى وتباسى ءۇشىن تراگەديا بولسا، مەديتسينالىق كۇتىم، ساناتوريالىق قولداۋ، جاردەماقى تولەۋ سەكىلدى مەملەكەت ءۇشىن قوسىمشا شىعىن....
سوندىقتان كەمتار سابيلەردىڭ بولماۋى ءۇشىن قوعام مەن مەملەكەت قولىنان كەلگەننىڭ ءبارىن جاساپ، قاجەت بولسا وزبەكستانداعىداي زاڭمەن تىيىم سالۋ تۋرالى ۇكىمەت پەن پارلامەنتكە ۇسىنىس جاساۋىمىز كەرەك...
