Özbekstan men Qyrǧyzstan bilıgı keibır islami dınşıl toptarǧa belgılı bır şekteuler engıze bastady. Būl problema jyl ötken saiyn Qazaqstan üşın de özektı bolyp kele jatyr.
Bügın ötken Qoǧamdyq Keŋes kezektı otyrysynda Şymkent qalasy men Türkıstan oblysynda mügedek azamattar öte köp tırkelgendıgı söz boldy.
Osyǧan bailanysty men Qoǧamdyq Keŋes müşelerı men jiynǧa qatysqan qala äkımınıŋ orynbasary Quanyş Asylov pen Şymkent Qalasynyŋ Densaulyq Basqarmasy basşysy Nūrlybek Asylbekovke tömendegıdei ūsynys jasadym:
Qalamyz ben öŋırımızde jaqyn tuystar arasyndaǧy nekenı dästürlı türde qoldanatyn etnostar bar. Jäne olardyŋ demografiialyq ösımı özge ūlttarmen salystyrǧanda asa joǧary.
Onyŋ üstıne soŋǧy kezderı keibır dınşıl qazaqtar da "Jaqyn tuystar arasyndaǧy neke şariǧatqa qaişy emes" dep uaǧyz aita bastady.
Mäsele uşyǧyp ketpei tūrǧanda äreket jasap, tua bıttı mügedek retınde tırkelgen azamattardyŋ keselderınıŋ tabiǧatyn zerdelep, jaqyn tuystar arasynda bolǧan nekeden tuǧan mügedek azamattardy bölıp qarastyru kerek.
Kemtar säbidıŋ paida boluy otbasy üşın tragediia bolsa, medisinalyq kütım, sanatoriialyq qoldau, järdemaqy töleu sekıldı memleket üşın qosymşa şyǧyn....
Sondyqtan kemtar säbilerdıŋ bolmauy üşın qoǧam men memleket qolynan kelgennıŋ bärın jasap, qajet bolsa Özbekstandaǧydai zaŋmen tyiym salu turaly Ükımet pen Parlamentke ūsynys jasauymyz kerek...
Ūqsas jaŋalyqtar
