Ózbekstan men Qyrǵyzstan bıligi keıbir ıslamı dinshil toptarǵa belgili bir shekteýler engize bastady. Bul problema jyl ótken saıyn Qazaqstan úshin de ózekti bolyp kele jatyr.
Búgin ótken Qoǵamdyq Keńes kezekti otyrysynda Shymkent qalasy men Túrkistan oblysynda múgedek azamattar óte kóp tirkelgendigi sóz boldy.
Osyǵan baılanysty men Qoǵamdyq Keńes músheleri men jıynǵa qatysqan qala ákiminiń orynbasary Qýanysh Asylov pen Shymkent Qalasynyń Densaýlyq Basqarmasy basshysy Nurlybek Asylbekovke tómendegideı usynys jasadym:
Qalamyz ben óńirimizde jaqyn týystar arasyndaǵy nekeni dástúrli túrde qoldanatyn etnostar bar. Jáne olardyń demografııalyq ósimi ózge ulttarmen salystyrǵanda asa joǵary.
Onyń ústine sońǵy kezderi keıbir dinshil qazaqtar da "Jaqyn týystar arasyndaǵy neke sharıǵatqa qaıshy emes" dep ýaǵyz aıta bastady.
Másele ýshyǵyp ketpeı turǵanda áreket jasap, týa bitti múgedek retinde tirkelgen azamattardyń keselderiniń tabıǵatyn zerdelep, jaqyn týystar arasynda bolǵan nekeden týǵan múgedek azamattardy bólip qarastyrý kerek.
Kemtar sábıdiń paıda bolýy otbasy úshin tragedııa bolsa, medıınalyq kútim, sanatorııalyq qoldaý, járdemaqy tóleý sekildi memleket úshin qosymsha shyǵyn....
Sondyqtan kemtar sábılerdiń bolmaýy úshin qoǵam men memleket qolynan kelgenniń bárin jasap, qajet bolsa Ózbekstandaǵydaı zańmen tyıym salý týraly Úkimet pen Parlamentke usynys jasaýymyz kerek...
