ۋكرايناداعى سوعىستى قولدايتىن رەسەيلىك ءارتىس نيكيتا دجيگۋردا قازاقستانداعى رۋسوفوبيا تۋرالى مالىمدەمە جاسادى، دەپ حابارلايدى «ادىرنا» ءتىلشىسى.
ول ەلدە قارقىنداپ دامىپ كەلە جاتقان رۋسوفوبياعا بايلانىستى جوسپارلانعان ءىس-شاراعا كەلە المايتىنىن ايتتى.
«مەن 10 قىركۇيەكتە قازاقستاندا جاقسى ءىس-شاراعا قاتىسۋىم كەرەك ەكەنىن راستايمىن. بىراق قازاقستان رەسەيلىك ديپلوماتتى وكىلەتتىگىنەن ايىرىپ، رەسەيگە قيانات جاسادى، ويتكەنى ديپلومات قازاقستاندا رۋسوفوبيا كۇشەيىپ كەلە جاتقاندىعى تۋرالى بىرنەشە رەت مالىمدەمە جاسادى. ۇلتشىلدار ارانداتۋشىلىق ۇيىمداستىرادى… قىسقاسى، مەن قازاقستانعا بارا المايمىن. مەنىڭ ۇستانىمىم بەلگىلى، مەن رەسەي فەدەراتسياسى مەن ءپۋتيندى قولدايمىن. اتتەڭ، قازاقستان انگلوساكسوندارعا باعىنۋدا. بۇل كوپتەگەن ادام ءۇشىن وكىنىشتى جانە قايعىلى»، - دەدى ونەر يەسى.بۇعان دەيىن رەسەي مەملەكەتتىك دۋماسىنىڭ دەپۋتاتى ۆيكتور سوبولەۆ قازاقستاندا رۋسوفوبيا بار ەكەنىن ايتقان ەدى.
<
