عابيت سىزدىقبەكوۆ شىمكەنت قالاسىنىڭ اكىمى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى.
مەملەكەت باسشىسى قاسىم-جومارت توقاەۆ قول قويعان جارلىقتا:
"عابيت ءابدىماجيتۇلى سىزدىقبەكوۆ شىمكەنت قالاسىنىڭ اكىمى لاۋازىمىنا تاعايىندالسىن", – دەلىنگەن.عابيت سىزدىقبەكوۆ 1980 جىلى شىمكەنت قالاسىندا دۇنيەگە كەلگەن. قازاق مەملەكەتتىك زاڭ ۋنيۆەرسيتەتىن، رف ءسىم ديپلوماتيالىق اكادەمياسىن بىتىرگەن. ەڭبەك جولىن 2004 جىلى قر ءسىم مەملەكەتتىك پروتوكول قىزمەتىنىڭ اتتاشەسى قىزمەتىنەن باستاعان. قر ءسىم مەملەكەتتىك پروتوكول قىزمەتىنىڭ ءۇشىنشى حاتشىسى; قر ءسىم ەۋروپا جانە امەريكا دەپارتامەنتىنىڭ ءۇشىنشى حاتشىسى، قر ءسىم كەڭسەسى ءباسپاسوز قىزمەتىنىڭ ءۇشىنشى حاتشىسى; ەكىنشى حاتشىسى، قر پارلامەنتى سەناتىنىڭ اپپاراتىندا ءتۇرلى لاۋازىمداردى اتقارعان. قر ءسىم ازيا جانە افريكا دەپارتامەنتىنىڭ باسقارما باسشىسى، فرانتسيا رەسپۋبليكاسىنداعى قازاقستان رەسپۋبليكاسى ەلشىلىگىنىڭ كەڭەسشىسى، قر ءسىم اكىمشىلىك جانە باقىلاۋ دەپارتامەنتىنىڭ كەڭەسشىسى بولدى. 2017-2019 جىلدارى – قر پارلامەنتى سەناتى توراعاسىنىڭ كەڭەسشىسى; قر پارلامەنتى سەناتى اپپاراتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى، قر ءسىم ەرەكشە تاپسىرمالار جونىندەگى ەلشىسى، قازاقستان رەسپۋبليكاسىنىڭ سەربيا رەسپۋبليكاسىنداعى توتەنشە جانە وكىلەتتى ەلشىسى قىزمەتتەرىن اتقاردى. 2021 جىلعى 14 شىلدەدە قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ ءبىرىنشى ورىنباسارى بولىپ تاعايىندالدى. 2023 جىلدىڭ اقپانىنان باستاپ ۇكىمەت اپپاراتى باسشىسىنىڭ ءبىرىنشى ورىنباسارى قىزمەتىن اتقارىپ كەلدى. مۇرات ايتەنوۆ شىمكەنت قالاسى اكىمى لاۋازىمىنان بوساتىلدى. ءتيىستى جارلىققا پرەزيدەنت قاسىم-جومارت توقاەۆ 2023 جىلعى 5 قىركۇيەك كۇنى قول قويدى.
"ادىرنا" ۇلتتىق پورتالى
ۇقساس جاڭالىقتار
