استانا پوليتسياسى ۇيىنەن ءماجبۇرلى تۇردە قۋىلعان وتباسىنىڭ شۋلى ۆيدەوسىنان كەيىن تەرگەۋ جارىلادى، - دەپ حابارلايدى “ادىرنا” ۇلتتىق پورتالى.
قۇقىق قورعاۋ ورگاندارى قىزمەتكەرلەرىنىڭ ايتۋىنشا، ازاماتشا ا.-نىڭ بۇرىنعى كۇيەۋىنە قاتىستى تۇرمىستىق قاتىناستار سالاسىنداعى زاڭسىز ارەكەتتەرى بويىنشا اكىمشىلىك ءىس قوزعالعان.
«ول ۋاقىتشا ۇستاۋ يزولياتورىنا قامالدى. سونىمەن بىرگە، «فيزيكالىق كۇش قولدانۋ» فاكتىسى بويىنشا سوتقا دەيىنگى تەرگەۋ باستالدى»، - دەدى پوليتسيا.
پوليتسيا قىزمەتكەرلەرىنىڭ ارەكەتسىزدىگىنە قاتىستى قىزمەتتىك تەكسەرۋ جۇرگىزىلۋدە.
ەستەرىڭىزگە سالا كەتەيىك، بۇعان دەيىن دانا اتەشوۆا 12 شىلدە كۇنى بۇرىنعى كۇيەۋى مەن ونىڭ سەنىمدى ادامدارى ءتارتىپ ساقشىلارىنىڭ ىلەسۋىمەن ونى ۇيىنەن قۋىپ شىقپاق بولعانىن حابارلاعان بولاتىن. ونىڭ ايتۋىنشا، ونى ۇيىنەن ءماجبۇرلى تۇردە، كۇش قولدانىپ قۋىپ شىققان. بۇعان دەيىن اتەشوۆا شىمكەنتتىڭ بۇرىنعى اكىمى مۇرات ايتەنوۆتىڭ اعاسى ياعني، بۇرىنعى كۇيەۋىنىڭ ۇستىنەن بىرنەشە رەت شاعىمدانعان.
