شىمكەنت قالاسى تۇرعىن ءۇي باسقارماسى باسشىسىنىڭ ورىنباسارى ازات مومىنوۆ بيۋدجەت قاراجاتىن جىمقىرعانى ءۇشىن سوتتالدى، دەپ حابارلايدى "ادىرنا" ۇلتتىق پورتالى.
شىمكەنت اكىمى تۇرعىن ءۇي باسقارماسىنداعى جەمقورلىق داۋىنا بايلانىستى ورىنباسارىنىڭ وتستاۆكاسىن قابىلدامادى. بۇل تۋرالى مەگاپوليس باسشىسى عابيت سىزدىقبەكوۆ ورتالىق كوممۋنيكاتسيالار قىزمەتىندەگى بريفينگتە مالىمدەدى. جاۋاپتى باسقارمانى قاداعالاعان اكىم ورىنباسارى وتستاۆكاعا كەتۋ تۋرالى ءوتىنىش جازعان.
«مەنىڭ ورىنباسارىم ءوز ەركىمەن وتستاۆكاعا كەتۋ تۋرالى ءوتىنىش جازدى. مەن ونىڭ ءوتىنىشىن قابىلدامادىم. بارلىق راسىمدەر زاڭعا سايكەس جۇرگىزىلدى»، – دەدى اكىم سىزدىقبەكوۆ.
تامىز ايىندا سوت شىمكەنت قالاسى تۇرعىن ءۇي باسقارماسى باسشىسىنىڭ ورىنباسارى ازات مومىنوۆقا ۇكىم شىعاردى. 2023 جىلى شەنەۋنىك كوپقاباتتى تۇرعىن ۇيلەردى جوندەۋگە جانە ولاردىڭ سەيسميكالىق تۇراقتىلىعىن تەكسەرۋگە بولىنگەن 367 ميلليون تەڭگەدەن استام قارجىنى جىمقىرعان. سوت مومىنوۆتى مۇلكىن تاركىلەۋمەن بىرگە توعىز جىلعا باس بوستاندىعىنان ايىردى.
