قىتايدا Agibot كومپانياسى ازىرلەگەن A2 گۋمانويدتى روبوتى ۇزدىكسىز 106,286 شاقىرىم جول ءجۇرىپ، گيننەس رەكوردتار كىتابىنا ەندى، دەپ حابارلايدى "ادىرنا" ۇلتتىق پورتالى Chinadaily-عا سىلتەپ.
روبوت 10 قاراشا تۇندە سۋچجوۋ قالاسىنان جولعا شىعىپ، 13 قاراشانىڭ تاڭىندا شانحايداعى بۋند جاعالاۋىنا جەتتى. A2-ءنىڭ ۇزدىكسىز قوزعالۋىنا قۋات ەلەمەنتتەرىن جىلدام الماستىرۋ جۇيەسى مۇمكىندىك بەرگەن.
Agibot ۆيتسە-پرەزيدەنتى ۆان چۋانە روبوتتىڭ كورسەتكىشىن جوعارى باعالاپ، ونىڭ اپپاراتتىق بولىگى مەن تەپە-تەڭدىك الگوريتمدەرىنىڭ جەتىلگەنىن اتاپ ءوتتى.
«سۋچجوۋ مەن شانحاي اراسىن جاياۋ ءجۇرىپ ءوتۋ كوپتەگەن ادامدار ءۇشىن قيىن. روبوتتىڭ مۇنى ەڭسەرۋى ونىڭ توزىمدىلىگىن دالەلدەيدى جانە كەڭ كولەمدەگى كوممەرتسيالىق قولدانۋعا نەگىز بولادى»، - دەدى ول.
A2 روبوتى باعدارشامدار، تار وتكەلدەر، كوپشىلىك جۇرەتىن تروتۋارلار سياقتى كۇردەلى جاعدايلاردا دا سەنىمدى ناۆيگاتسيا كورسەتە العان. روبوت اسفالت، پليتالى جولدار، كوپىرلەر، پاندۋستار ارقىلى ءجۇرىپ، جول قوزعالىسى ەرەجەلەرىن ساقتاعان.
