شىمكەنت قالاسى پوليتسيا دەپارتامەنتىنىڭ بۇرىنعى باستىعى قايرات دالبەكوۆ جاڭا قىزمەتكە تاعايىندالدى. ول ىشكى ىستەر ءمينيسترى مارات احمەتجانوۆتىڭ بۇيرىعىنا سايكەس الماتى قالاسى، جەتىسۋ جانە الماتى وبلىستارىنا قاراستى قىلمىستىق اتقارۋ جۇيەسى دەپارتامەنتىنىڭ باستىعىنىڭ مىندەتىن اتقارادى، دەپ حابارلايدى «ادىرنا» ءتىلشىسى.
ال شىمكەنت قالاسى پوليتسيا دەپارتامەنتىنىڭ باستىعى لاۋازىمىنا پوليتسيا گەنەرال-مايورى دۋمان تاەۆ كەلدى.
ايتا كەتەيىك، قايرات سۇلتانبايۇلى 1963 جىلى وڭتۇستىك قازاقستان وبلىسىندا دۇنيەگە كەلگەن. ىشكى ىستەر ورگاندارىندا 1989 جىلدان باستاپ قىزمەت اتقارادى. ورتا جانە اعا باسشى قۇرامنىڭ ءارتۇرلى جەدەل لاۋازىمدارىندا قىزمەت اتقارعان. 2018-2022 جىلدار ارالىعىندا تۇركىستان وبلىسىنىڭ پوليتسيا دەپارتامەنتىن باسقارعان.
كەيبىر دەرەكتەر بويىنشا، دالبەكوۆ – تۇڭعىش پرەزيدەنت نۇرسۇلتان نازارباەۆتىڭ قارىنداسى ءانيپا نازارباەۆانىڭ قۇداسى.
ۇقساس جاڭالىقتار
