قر قورعانىس ءمينيسترى رۋسلان جاقسىلىقوۆ ۋكراينا مەن بەلارۋس شەكاراسىندا وتەتىن الداعى ۇقشۇ-نىڭ (ودكب) وقۋ-جاتتىعۋلارى جانە وعان قازاقستان ساربازدارىنىڭ قاتىسۋى تۋرالى سۇراقتارعا جاۋاپ بەردى، دەپ حابارلايدى "ادىرنا" ۇلتتىق پورتالى.
"اقپارات كەڭىستىگىندە قازاقستاننىڭ بروندى تەحنيكانى جەتكىزىپ جاتقانى جايلى دەرەك – جالعان. بۇگىنگى كۇنى بارلىق تەحنيكا ءوز ورنىندا، ءتيىستى پۋنكتتەردە تۇر. بەلارۋسسياعا 11 ادامنان تۇراتىن جەدەل توپ جىبەرىلدى. مۇنداي شارۋامەن باسقارۋ ورگاندارىنىڭ اينالىسادى", - دەدى جاقسىلىقوۆ ۇكىمەت جيىنىندا.سونداي-اق، قورعانىس مينيسترلىگىنىڭ باسشىسى وقۋ-جاتتىعۋ جيىنىنىڭ ۋكراينا شەكاراسىندا نەلىكتەن وتكىزىپ جاتقانىنا قاتىستى قويىلعان سۇراقتارعا جاۋاپ بەردى.
"ۋكراينا جەرىنىڭ وعان نە قاتىسى بار؟ بەلارۋس - ۇقشۇ مۇشەسى بولىپ تابىلاتىن بەيبىتسۇيگىش مەملەكەت. مۇنداي جيىنداردى وتكىزۋ شارالارى، ورنى تۋرالى شەشىم الدىن-الا قابىلدانادى. ەشقانداي قاۋىپ-قاتەر جوق بىزدە ارنايى ۇقشۇ شتابى بار، وندا بىرلەسكەن ساباقتار، ترەنينگتەر، وقۋ-جاتتىعۋلار وتكىزۋ جوسپارلانىپ وتىر. ءبىز كەستە شەڭبەرىندە جۇمىس ىستەيمىز. قازاقستان ءوزىنىڭ بارلىق حالىقارالىق مىندەتتەمەلەرىن ورىندايدى", - دەدى مينيستر ءوز سوزىندە.
"ادىرنا" ۇلتتىق پورتالى
ۇقساس جاڭالىقتار
