ۇقشۇ باس حاتشىسى يمانعالي تاسماعامبەتوۆ ماسكەۋدە تمد-عا مۇشە ەلدەردىڭ قاۋىپسىزدىك كەڭەستەرى حاتشىلارىنىڭ 12-وتىرىسىنا قاتىستى. بۇل تۋرالى ۇيىمنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ءوز كەزەگىندە يمانعالي تاسماعامبەتوۆ ۇقشۇ پەريمەترى بويىنشا جانە جالپى الەمدەگى مىناداي قاۋىپ-قاتەردى ءتىزىپ شىقتى:
- باتىس ەۋروپا اۋماعىندا الىس قاشىقتىقتاعى قارۋدى ورنالاستىرۋ تۋرالى قابىلدانعان امەريكالىق-گەرماندىق شەشىم قۇرلىقتا جانە تۇتاستاي العاندا، الەمدە يادرولىق-زىمىراندىق قارۋلانۋدىڭ قايتا جاندانۋ قاۋپىن تۋدىرعان;
- بەلارۋس پەن رەسەي فەدەراتسياسىنىڭ شەكارالارىندا ناتو قارۋلى كۇشتەرى مەن اقپاراتتىق سوعىس ورتالىقتارىنىڭ شوعىرلانۋى جالعاسىپ جاتىر. فينليانديا مەن شۆەتسيا سولتۇستىك اتلانتيكالىق اليانسقا قوسىلعاننان كەيىن ستراتەگيالىق جاعداي ناشارلاعان;
- رەسەيمەن قارۋلى قاقتىعىستى جالعاستىرۋ ءۇشىن ۋكرايناعا ەكونوميكالىق، قارجىلىق جانە اسكەري قولداۋ ارتىپ بارادى. ۇلكەن اۋماقتاردا، سونىڭ ىشىندە ۇرىس ايماعىنان تىس جەرلەردە اپاتتى سالدارعا اكەلەتىن اتوم ەلەكتر ستانتسيالارىنداعى توتەنشە وقيعالاردىڭ قاۋپى بىرنەشە ەسە ارتقان;
- جاساندى ينتەللەكتتى اسكەري ماقساتتا پايدالانۋدىڭ قارقىندى دامۋى، ولىمگە اكەلەتىن اۆتونومدى قارۋ جۇيەلەرىنىڭ (LAWS) جاپپاي ءوندىرىسى جانە ولاردى پايدالانۋدى ناقتى رەتتەۋدىڭ جوقتىعى سياقتى حالىقارالىق تۇراقتىلىققا قاتىستى ماسەلەلەر كۇشەيە تۇسكەن.
سونداي-اق ول ۇقشۇ-نىڭ ۇيىمعا مۇشە مەملەكەتتەردىڭ قاۋىپسىزدىگىن قامتاماسىز ەتۋ بويىنشا ءتيىستى شارالار قابىلداپ جاتقانىنا سەندىردى.
