تاريحشى، زەرتتەۋشى ادىلەت جاعىپار ء“بىلىم كۇنى قارساڭىندا ۇلت ۇستازى قوسا ۇلىقتالۋى ءتيىس” ەكەنىن جەتكىزدى، دەپ حابارلايدى “ادىرنا”.
ەلىمىزدە قىركۇيەكتىڭ العاشقى كۇنى - ءبىلىم كۇنى مەرەكەسى. اتاۋلى كۇنى وقۋشىلار، 1 سىنىپقا قادام باسقان بۇلدىرشىندەر، شاكىرتكە ءبىلىم بەرۋگە اسىققان ۇستازدار مەكتەپكە اسىعادى.
ەڭ العاش مەكتەپ تابالدىرىعىن اتتاعان ءبىلىم الۋشى ءارىپتى تانىپ، الىپپەمەن سۋسىندايدى. ال قازاق الىپپەسىن ومىرگە اكەلگەن - احمەت بايتۇرسىنۇلى.
بۇگىندە تاريحشى، زەرتتەۋشى ادىلەت جاعىپار الەۋمەتتىك جەلىدەگى پاراقشاسىندا سۇحباتپەن ءبولىسىپ، جازبا قالدىردى.
“بىلتىر باۋىرىمدى 1 سىنىپقا اپاردىم. سول مەكتەپتە 1 قىركۇيەك ءبىلىم كۇنى ۇلت ۇستازى احمەت بايتۇرسىنۇلى تۋرالى بىردە-ءبىر ءسوز ايتىلمادى...
سودان بىلتىرعى ايجاركىن قارىنداسىما بەرگەن سۇحباتىمدا وسى ماسەلەنى كوتەردىم. جىلدا تويلاناتىن ءبىلىم كۇنىندە نەگە ۇلت ۇستازىن ۇلىقتاماسقا؟
ءبىلىم بەرۋ مەكەمەلەرى وزدەرى ءبىلسىن قانداي فورماتتا وتكىزەتىنىن، ەڭ باستىسى بالانىڭ جۇرەگىنە ۇلت ۇستازى احمەت بايتۇرسىنۇلىنىڭ ايتقان ويلارىن سىڭدىرە الساق ءبىزدىڭ ماقساتىمىزدىڭ ورىندالعانى دەپ بىلەمىن”،-دەدى جەلى قولدانۋشىسى.
سونداي-اق “ۇلت ۇستازى” اتانعان احمەت بايتۇرسىنۇلى قازاقتىڭ ارعى-بەرگى تاريحىنان تەرەڭ ساۋاتى بولعان، قيىندىقتان قۇتىلۋدىڭ جولى ەڭ ءبىرىنشى حالىقتى وياتۋ مەن بىلىمگە جەتەلەۋ دەپ ەسەپتەگەن.
