اتىراۋدا «ۇلتتىق قىزدار مەكتەبى» اتىمەن جۇمىس ىستەگەن مەكەمە ءبىرجولا جابىلدى، دەپ حابارلايدى «ادىرنا» ءتىلشىسى «كتك» ارناسىنا سىلتەمە جاساپ.
اۋدانارالىق ەكونوميكالىق سوت جىل بويى وقۋشىلارعا ليتسەنزياسىز ءبىلىم بەرىپ كەلگەن مەكتەپتىڭ جۇمىسىن توقتاتتى. بىلتىر 100-دەن استام بويجەتكەندى قابىلداعان بۇل جەكەمەنشىك وقۋ ورنىنىڭ جۇمىسىنا اتىراۋلىقتار كۇمانمەن قاراپ، الەۋمەتتىك جەلىگە بەينەجازبالار تاراتتى. وندا ولار بۇل مەكتەپتە وقيتىن قىز بالالار تۇگەلدەي حيدجابپەن كەلەتىنىن ايتقان. كەيىن ول قوعامدىق رەزونانس تۋعىزدى. مەكتەپ باسشىلارى مۇنى جوققا شىعارىپ، «مەكەمە قازاقى سالت-ءداستۇردى ۇستانادى، بالالار ۇلتتىق كيىمدەرمەن كەلەدى» دەپ اقتالدى. بىراق جەكەمەنشىك مەكتەپتى اشقان كاسىپكەرلەر ءبىلىم بەرۋ قىزمەتىن كورسەتۋ ءۇشىن ليتسەنزيا الماي، جۇمىسىن باستاپ كەتكەن. زاڭدىلىققا ساي ولار التى اي ىشىندە رۇقسات الۋى ءتيىس ەكەن. الايدا جىل بويى ليتسەنزياسىز ءبىلىم بەرىپ، وقۋ جىلىن اياقتاپتى. وسىلايشا ءبىلىم بەرۋ ساپاسىن باقىلاۋ دەپارتامەنتى زاڭدىلىقتاردى بۇزعان كاسىپكەردى سوتقا بەرگەن.
«وتكەن جىلى ماسەلە انىقتالعاننان كەيىن بىرنەشە رەت تەكسەرۋ جۇرگىزىلدى. اتىراۋ وبلىسى اكىمشىلىگى سوت ارقىلى ەكى رەت ايىپپۇل سالدى. سونىمەن قاتار بۇل مەكتەپ ليتسەنزيا الۋعا ءوتىنىش بىلدىرگەن. الايدا ولاردىڭ بىلىكتىلىك تالاپتارى ليتسەنزيا الۋعا سايكەس كەلمەدى. سوندىقتان بۇل مەكەمە ليتسەنزياسىن المادى. ءبىز ەكولونيكالىق مامانداندىرىلىاعن سوتقا بەردىك. سوتتىڭ شەشىمىنە سايكەس قىزمەتى توقتاتىلدى»،—دەدى اتىراۋ وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ باسشىسى بەردىبەك تايىشوۆ.ايتا كەتەيىك، بۇعان دەيىن «ۇلتتىق قىزدار مەكتەبىنىڭ» اشىلعانىن حابارلاپ، حالىقتىڭ نارازىلىعىن تۋدىرعانىن جازعان ەدىك.
ۇقساس جاڭالىقتار
