اەروپورتتا جولاۋشى وتكىزۋ قابىلەتى 2 مىڭ ادامعا ارتادى

970
Adyrna.kz Telegram

بۇگىندە قالادا جەكە ينۆەستورلار جاڭا جولاۋشىلار تەرمينالىنىڭ قۇرىلىسىن جۇرگىزۋدە. قۇرىلىس جۇمىستارىنا 120-150 ادام تارتىلعان. بۇگىن قالا اكىمى م.ايتەنوۆ جاۋاپتىلارمەن بىرگە قۇرىلىس بارىسىن پىسىقتادى. قازىرگى تاڭدا تەرمينالدىڭ شاتىرى تولىق جابىلىپ، قاسبەتتىك جۇيەلەرى مونتاجدالىپ، جەلدەتكىش جۇيەلەرى ورناتىلۋدا.
سونىمەن قاتار بوگاجدىق جۇيەنىڭ قۇرىلعىلارى مەن ليفتىلەر، ەسكالاتورلار ورناتىلىپ، ينجەنەرلىك جەلىلەر قۇرىلۋدا. جالپى جوبانىڭ ورىندالۋى قازىر 85% عا جەتتى.

اكىمدىك تاراپىنان ينۆەستوردى قولداۋ ماقساتىندا اۋەجاي الدىنداعى الاڭداعى اۆتوتۇراقتى اباتتاندىرۋ، جاڭا تەرمينالعا اپاراتىن كىرمە جول سالۋ جانە جولاۋشىلار تەرمينالىنا ينجەنەرلىك جەلىلەردى سالۋ جۇمىستارى جۇرگىزىلدى.
بۇگىنگى تاڭدا اەروپورتتا جولاۋشى وتكىزۋ قابىلەتى ساعاتىنا 200 ادام بولسا، جاڭا تەرمينال ىسكە قوسىلعاننان كەيىن ساعاتىنا 2 مىڭ ادامعا ارتادى.
جاڭا تەرمينالدىڭ جالپى اۋدانى 35 مىڭ شارشى مەتردى قۇرايدى. سونىمەن قاتار، جوبادا وزىق تالاپتارعا سايكەس 4 گالەرەيا قاراستىرىلعان. وندىرىستىك كەستەگە سايكەس جاڭا تەرمينال بيىل قولدانىسقا بەرىلەدى.

م.دۇيسەنبەكۇلى تۋىنداعان وزەكتى ماسەلەلەر بويىنشا دەر كەزىندە حابارلاپ، شەشىمىن بىرلەسە قاراستىرۋدى تاپسىردى. جۇمىستاردى وندىرىستىك كەستەگە ساي اتقارىپ، پەرروننىڭ قۇرىلىسىن تەز ارادا باستاۋ بويىنشا ناقتى تاپسىرمالار جۇكتەدى.

پىكىرلەر