رەسەي اۋە-عارىش كۇشتەرىنىڭ باس قولباسشىسى مىندەتىن اتقارۋشى سەرگەي سۋروۆيكين قىزمەتىنەن بوساتىلدى. بۇل قىزمەتكە گەنەرال ۆيكتور افزالوۆ تاعايىندالدى. بۇل تۋرالى ريا نوۆوستي جاريالادى، دەپ حابارلايدى “ادىرنا” ۇلتتىق پورتالى.
افزالوۆ وسىعان دەيىن سۋروۆيكيننىڭ قول استىندا، اۋە-عارىش كۇشتەرى باس شتابىنىڭ باستىعى بولعان ەدى.
ايتا كەتەيىك، 22 تامىز كۇنى جۋرناليست الەكسەي ۆەنەديكتوۆ پرەزيدەنتتىڭ قۇپيا جارلىعىنا سۇيەنىپ، سۋروۆيكيننىڭ قىزمەتتەن الىنعانىن جازدى. وندا سۋروۆيكين قىزمەتتەن بوساتىلسا دا، قورعانىس مينيسترلىگىندە قالعانى ايتىلعان.
ربك سۋروۆيكين باسقا قىزمەتكە اۋىسقانىن ايتادى.اقپاراتىنا سۇيەنسەك، سۋروۆيكين قازىر قىسقا مەرزىمدى ەڭبەك دەمالىسىندا.
ال جۋرناليست كسەنيا سوبچاك سۋروۆيكين ءپۋتيننىڭ قۇپيا جارلىعىمەن 18 تامىزدا قىزمەتىنەن قۋىلعانىن حابارلايدى.
