وقۋ-اعارتۋ ءمينيسترى اسحات قاناتۇلى ايماعامبەتوۆ قىزمەتىنەن بوساتىلدى. بۇل تۋرالى تelegram-داعى بورت N1 ارناسى جازدى، دەپ حابارلايدى “ادىرنا” ۇلتتىق پورتالى.
“مەملەكەت باسشىسىنىڭ جارلىعىمەن اسحات قاناتۇلى ايماعامبەتوۆ وقۋ-اعارتۋ ءمينيسترى لاۋازىمىنان بوساتىلدى”، – دەپ جازىلعان جارلىقتا.
پرەزيدەنتتىڭ جارلىعىمەن عاني بەكتايۇلى بەيسەمباەۆ وقۋ-اعارتۋ ءمينيسترى لاۋازىمىنا تاعايىندالدى.
ايتا كەتەيىك، اسحات ايماعامبەتوۆ 1982 جىلى قاراعاندى وبلىسىندا دۇنيەگە كەلگەن.
2003 جىلى ەبىنەي بوكەتوۆ اتىنداعى قارمۋ تاريح فاكۋلتەتىن تاريحشى، تاريح ءپانىنىڭ مۇعالىمى ماماندىعى بويىنشا تامامداعان.
2006 جىلى قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتادى.
ەڭبەك جولىن 2002 جىلى ەبىنەي بوكەتوۆ اتىنداعى قارمۋ-دەن باستادى.
2004–2005 جىلدارى «اڭسار» جاستار ليگاسى» قب توراعاسى بولدى.
2005–2006 جىلدارى «مەديا سپ» جشس ديرەكتورى، 2006–2012 جىلدارى — قارمۋ ساياساتتانۋ جانە الەۋمەتتانۋ كافەدراسىنىڭ وقىتۋشىسى، اعا وقىتۋشىسى، دوتسەنتى رەتىندە قىزمەت اتقاردى.
2012–2014 جىلدارى نۇرا اۋدانى اكىمىنىڭ الەۋمەتتىك ماسەلەلەر جونىندەگى ورىنباسارى قىزمەتىن اتقارعان.
2014 جىلعى اقپاننان باستاپ 2017 جىلعى تامىزعا دەيىن — قاراعاندى وبلىسى ءبىلىم بەرۋ باسقارماسىنىڭ باسشىسى.
2017 جىلعى تامىزدان باستاپ 2019 جىلعى قاڭتارعا دەيىن ءبىلىم جəنە عىلىم ۆيتسە-ءمينيسترى.
2019 جىلعى 13 ماۋسىمنان باستاپ ءبىلىم جانە عىلىم ءمينيسترى.
2022 جىلعى 11 ماۋسىمنان وقۋ-اعارتۋ ءمينيسترى بولىپ تاعايىندالدى.
مينيستر لاۋازىمىنا تاعايىندالعانعا دەيىن قاراعاندى وبلىسى اكىمىنىڭ ورىنباسارى بولىپ قىزمەت ەتتى.
2003–2012 جىلدارى قاراعاندى قالالىق ءماسليحاتىنىڭ III جانە IV شاقىرىلىمدارىنىڭ دەپۋتاتى، قالا ءماسليحاتىنىڭ الەۋمەتتىك ماسەلەلەر بويىنشا تۇراقتى كوميسسياسىنىڭ توراعاسى بولىپ سايلانعان.
