الماتى وبلىسىنداعى ۇيعىر اۋدانىنىڭ اتىنا قاتىستى وسىدان ءبىر جىل بۇرىن پوست جازعانمىن. سودان بەرى جاعدايدى ساراپتاي كەلە ويىم ەداۋىر وزگەرىپ، بۇل تاقىرىپتى باسقا قىرىنان تۇسىنە باستادىم. ساۆەت وداعى تارقايتىن تۇستا، كوممۋنيستەر بۇكىل وداقتا ءارتۇرلى اۆتونوميالار قۇرىپ، باياۋ جارىلاتىن بومبا تاستاپ كەتتى. ءبىر-بىرىمەن تۋىسپايتىن قانشاما حالىقتى ءبىر اۆتونومياعا بىرىكتىرىپ، بولاشاقتا ءتۇبى ءبىر قىرقىساتىنداي قىلىپ قويدى. ۇيعىر اۋدانى دا تۋرا سونداي ماقساتپەن قۇرىلعان. وداق بىراق تارقاپ كەتتى دە، ولاردىڭ بۇل جىمىسقى جوسپارى ىسكە اسپاي قالدى.
«ۇيعىر اۋدانىنىڭ اتى سول كۇيى قالعانى سىزدەرگە كەرەك پە؟» دەپ، الماتىداعى قانشاما ۇيعىردان سۇراپ كوردىم. ۇيعىر اۋدانىنىڭ اتىن كەرەك ەتىپ تۇرعان ۇيعىر جوق. ولارعا تىنىشتىق پەن بەيبىت ءومىر كوبىرەك كەرەك ەكەن. ويلانا كەلە، اۋداننىڭ اتىن وزگەرتكەننەن قازاق قازىر ۇتپايتىنىن، ۇتىلىپ قالاتىنىن ءتۇسىندىم. نەگە دەيسىز عوي؟ كەيىنگى ايدا وسى اۋداننىڭ اتىن وزگەرتەيىك دەپ بەلسەنىپ، سودان ساياسي ۇپاي جيناعىسى كەلەتىن پيعىل بايقالىپ ءجۇر. وعان كوپ ادام ارانداپ قالىپ جاتىر. كەيبىرەۋى زاكازبەن جۇمىس ىستەپ جۇرگەندەي اسەر قالدىردى. قىتايدا قازىر قازاقتىڭ ءبىر اۆتونوميالى وبلىسى مەن قازاقتار تۇراتىن ءۇش بىردەي اۋدان بار. ەگەر ءبىز ۇيعىر اۋدانىنىڭ اتىن وزگەرتسەك، قىتايلار دا بىزدەن كورىپ ىستەگەندەي بولىپ، قىتايداعى الگى وبلىس پەن اۋداننىڭ اتىن وزگەرتىپ جىبەرىپ، ونداعى قازاقتارعا تاعى قىسىم كورسەتە باستاۋى مۇمكىن ەكەن. وسى ماسەلەدە تىم ءۇستىرت ويلاماي، جەتى رەت ولشەپ بارىپ، ءبىر رەت كەسكەن ءجون. ۇيعىر اۋدانىنىڭ اتىندا تۇرعان ەشتەڭە جوق. بولاشاقتا ول ءبارىبىر وزگەرەدى. ول بۇگىن بولماسا دا، ەرتەڭ ءتۇبى ءبىر بولادى، ءتۇبى ءبىر اۋىسادى. بىراق ءدال قازىر قىتايدىڭ دا ارىدان ويلايتىن وسىنداي جىمىسقى ساياساتىنىڭ جەتەگىندە كەتىپ قالىپ، وكىنىپ قالىپ جۇرمەيىكشى دەگەن وي ەدى..
جولىمبەت ماكىش
اۆتوردىڭ پىكىرى رەداكتسيا كوزقاراسىن بىلدىرمەيدى.
