پرەزيدەنتتىك جاستار كادرلىق رەزەرۆىنە ءوتىنىم قابىلدانادى. كادر رەزەرۆىنە جاڭا رەزەرۆشىلەر سالالىق قاجەتتىلىكتى ەسكەرە وتىرىپ ىرىكتەلەدى.
بۇل تۋرالى قر مەملەكەتتىك قىزمەت ىستەرى اگەنتىگىنىڭ الماتى وبلىسى بويىنشا دەپارتامەنت باسشىسىنىڭ م.ا اسحات تاكەباەۆ بريفينگ بارىسىندا ايتتى.
سپيكەردىڭ ايتۋىنشا، ىرىكتەۋ تالاپتارى جاسى 35-تەن اسپاعان، جوعارى ءبىلىمى جانە 5 جىل جالپى جۇمىس تاجىريبەسى بار، مەملەكەتتىك ءتىلدى مەڭگەرگەن قر ازاماتى قاتىسا الادى.
ءباسپاسوز-ءماسليحاتى بارىسىندا قاتىسۋشىلار 6 نەگىزگى سالا بويىنشا 6 كەزەڭنەنەن ءوتۋ مىندەتتى ەكەنى ايتىلدى.
اتاپ ايتساق:
* رەزەرۆكە ىرىكتەۋگە قاتىسۋ ءۇشىن كانديداتتار قۇجاتتار قابىلدانۋىنان ءوتۋ;
* ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋ;
* سيتۋاتسيالىق تاپسىرمالاردى شەشۋ;
* اسسەسسمەنت-ورتالىعى مەن قۇزىرەتتەر بويىنشا سۇحبات;
* ساراپشىلىق كوميسسياسىندا كانديداتتارمەن اڭگىمەلەسۋ.
سونداي-اق، بيىل ۇمىتكەرلەر ۇلتتىق كوميسسيا سۇحباتىنان وتەدى.
«مەملەكەت باسشىسىنىڭ تاپسىرماسى بويىنشا پرەزيدەنتتىك جاستار كادر رەزەرۆىنە ىرىكتەۋ ەكى جىلدا ءبىر رەت وتەدى. 2019 جانە 2021 جىلدارى رەزەرۆكە الىنعان 350 ادامنىڭ 264-ءى مەملەكەتتىك ورگانداردا جۇمىس ىستەيدى. ال الماتى وبلىسىندا 2019 جىلدىڭ كورسەتكىشى بويىنشا 800 ادام ءوتىنىم بەرسە، ونىڭ ۇشەۋى رەزرۆكە ءوتىپ، قازىرگى تاڭدا قىزمەت اتقارۋدا. نەگىزى پرەزيدەنتتىڭ كادرلىق رەزەرۆىنە قابىلەتى جەتكەن كەز كەلگەن جاستىڭ ىلىگۋ مۇمكىندىگى بار»، – دەيدى اسحات تاكەباەۆ.
بريفينگ سوڭىندا سپيكەر جاستاردى ىرىكتەۋگە بەلسەندى قاتىسۋعا شاقىرىپ، كاسىبي مەملەكەتتىك قىزمەتشىلەردىڭ جاڭا لەگىن قالىپتاستىرۋ ماڭىزدىلىعىن ايتتى.
ايتا كەتۋ كەرەك، رەزەرۆكە ىرىكتەۋگە قاتىسۋ ءۇشىن كانديداتتاردىڭ قۇجاتتارىن قابىلداۋ 2023 جىلدىڭ 1-30 قىركۇيەگى ارالىعىندا pkrezerv.gov.kz ارنايى اقپاراتتىق جۇيەسىندە جانە ونلاين رەجيمدە جۇزەگە اسىرىلادى.
"ادىرنا" ۇلتتىق پورتالى
