Prezıdenttik jastar kadrlyq rezervine ótinim qabyldanady. Kadr rezervine jańa rezervshiler salalyq qajettilikti eskere otyryp irikteledi.
Bul týraly QR Memlekettik qyzmet isteri agentiginiń Almaty oblysy boıynsha departament basshysynyń m.a Ashat Takebaev brıfıng barysynda aıtty.
Spıkerdiń aıtýynsha, irikteý talaptary jasy 35-ten aspaǵan, joǵary bilimi jáne 5 jyl jalpy jumys tájirıbesi bar, memlekettik tildi meńgergen QR azamaty qatysa alady.
Baspasóz-máslıhaty barysynda qatysýshylar 6 negizgi sala boıynsha 6 kezeńnenen ótý mindetti ekeni aıtyldy.
Atap aıtsaq:
* rezervke irikteýge qatysý úshin kandıdattar qujattar qabyldanýynan ótý;
* mátindik jáne sandyq aqparatpen jumys isteý qabiletin baǵalaý;
* sıtýaııalyq tapsyrmalardy sheshý;
* assessment-ortalyǵy men quzyretter boıynsha suhbat;
* sarapshylyq komıssııasynda kandıdattarmen áńgimelesý.
Sondaı-aq, bıyl úmitkerler ulttyq komıssııa suhbatynan ótedi.
«Memleket basshysynyń tapsyrmasy boıynsha Prezıdenttik jastar kadr rezervine irikteý eki jylda bir ret ótedi. 2019 jáne 2021 jyldary rezervke alynǵan 350 adamnyń 264-i memlekettik organdarda jumys isteıdi. Al Almaty oblysynda 2019 jyldyń kórsetkishi boıynsha 800 adam ótinim berse, onyń úsheýi rezrvke ótip, qazirgi tańda qyzmet atqarýda. Negizi Prezıdenttiń kadrlyq rezervine qabileti jetken kez kelgen jastyń iligý múmkindigi bar», – deıdi Ashat Takebaev.
Brıfıng sońynda spıker jastardy irikteýge belsendi qatysýǵa shaqyryp, kásibı memlekettik qyzmetshilerdiń jańa legin qalyptastyrý mańyzdylyǵyn aıtty.
Aıta ketý kerek, rezervke irikteýge qatysý úshin kandıdattardyń qujattaryn qabyldaý 2023 jyldyń 1-30 qyrkúıegi aralyǵynda pkrezerv.gov.kz arnaıy aqparattyq júıesinde jáne onlaın rejımde júzege asyrylady.
"Adyrna" ulttyq portaly
