الماتى وبلىسىنىڭ سپورت مايتالماندارى كاسىبي مەرەكەسىن اتاپ ءوتتى

وبلىس ورتالىعى قوناەۆ قالاسىندا قازاقستان رەسپۋبليكاسىنىڭ سپورت كۇنى مەرەكەسى قارساڭىندا «مادەنيەت ۇيىندە» اۋقىمدى شارا وتكىزىلدى. جيىندى اشقان الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى مىندەتىن اتقارۋشى سارابەكوۆ ەربولات قۇتتىقتاۋ سوزىندە وسى سالاداعى كەلەسى ماسەلەلەردى اتاپ ءوتتى: «بۇل باعىتتا جەرگىلىكتى بيۋدجەتتەن وتكەن جىلدان بەرى 8 بالالار مەن جاسوسپىرىمدەر سپورت مەكتەبى جاڭادان اشىلىپ، قوسىمشا 448 جاڭا جۇمىس ورىنى بەرىلدى. وبلىستا بالالار سپورتى باستى نازاردا. قازىرگى تاڭدا، رايىمبەك اۋدانى قىزىلشەكارا اۋىلىندا 60 ورىندى سپورت كەشەندى پايدالانۋعا بەرىلدى. سونداي-اق، سپورت ينفراقۇرىلىمىن دامىتۋ ماقساتىندا 7 سپورت كەشەنى بويىنشا قۇرىلىس-مونتاجداۋ جۇمىستارى جۇرگىزىلۋدە. 2027 جىلعا دەيىن وڭىردە 15 سپورت نىسانىن سالۋ جوسپارلانۋدا. 3000 اسا سپورتتىق ءىس-شارا ۇيىمداستىرىلىپ، 450 000-عا جۋىق ادام قامتىلدى». جىل باسىنان سپورت تۇرلەرى بويىنشا حالىقارالىق جانە رەسپۋبليكالىق سايىستاردا جوعارى ناتيجە كورسەتكەن سپورتشىلار مەن جاتتىقتىرۋشىلار جانە سپورت مەكەمەلەرىنىڭ قىزمەتكەرلەرى الماتى وبلىسى اكىمىنىڭ قۇرمەت گراموتاسى جانە العىس حاتىمەن، قر مادەنيەت جانە سپورت مينيسترلىگىنىڭ قۇرمەت گراموتاسىمەن، قازاقستان رەسپۋبليكاسى مادەنيەت جانە سپورت ءمينيستىرىنىڭ العىس حاتىمەن ماراپاتتالدى. سونىمەن قاتار، قازاقستان رەسپۋبليكاسى مادەنيەت جانە سپورت ءمينيستىرىنىڭ «قۇرمەتتى سپورت قىزمەتكەرى» توسبەلگىسى الماتى وبلىسىنىڭ دەنە مۇمكىندىكتەرى شەكتەۋلى تۇلعالارعا ارنالعان سپورتتى دامىتۋ ديرەكتسياسىسىنىڭ ديرەكتورى كۋلسەيتوۆ نۋرداۋلەت باتىربەكۇلىنا تابىستالدى. ودان بولەك بىرقاتار مامان الماتى وبلىسىنىڭ دەنە شىنىقتىرۋ جانە سپورت باسقارماسىنىڭ «قۇرمەتتى سپورت ارداگەرى»، «سپورت سالاسىنىڭ ۇزدىگى» جانە «سپورت جاناشىرى» توسبەلگىلەرىمەن ماراپاتتالدى. ءۇش مەكەمەگە قىزمەتتىك اۆتو كولىكتەردى تابىستاۋ ءراسىمى وتكىزىلدى. سپورت سالاسىنا عۇمىرىن ارناپ، ەڭبەگى سىڭگەن ارداگەرلەر دە ەلەۋسىز قالمادى. بارلىعى 45 ارداگەرگە الماتى وبلىسىنىڭ دەنە شىنىقتىرۋ جانە سپورت باسقارماسىنىڭ العىس حاتى جانە اقشالاي سىياقى بەرىلدى.