قازاقستاندا 1 قىركۇيەكتەن باستاپ اي سايىنعى مەملەكەتتىك شاكىرتاقى مولشەرى وسەدى، دەپ حابارلايدى “ادىرنا” ءتىلشىسى.
باكالاۆريات ستۋدەنتتەرىنىڭ شاكىرتاقىسى، دن 20%-عا،
ماگيسترانتتار مەن دوكتورانتتاردىڭ شاكىرتاقىسى 15%-عا،
تجكب ستۋدەنتتەرىنىڭ شاكىرتاقىسى 50%-عا ارتتىرىلدى.
قر پرەمەر-ءمينيسترى ءاليحان سمايىلوۆ ۇكىمەتتىڭ ءتيىستى قاۋلىسىنا قول قويدى.
قاۋلىدا بەلگىلەنگەن شاكىرتاقى مولشەرى تومەندەگىدەي:
- دوكتورانتتارعا (ونىڭ ىشىندە «دەنساۋلىق ساقتاۋ» باعىتى بويىنشا) – 217 500 تەڭگە;
- دايارلاۋدىڭ «دەنساۋلىق ساقتاۋ» باعىتى بويىنشا رەزيدەنت-دارىگەرلەرگە جانە ماگيسترانتتارعا – 111 579 تەڭگە;
- ماگيسترانتتارعا – 97 024 تەڭگە;
- ينتەرندەرگە – 75 890 تەڭگە;
- جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق جانە «دەنساۋلىق ساقتاۋ» باعىتتارى بويىنشا ءبىلىم الاتىن ستۋدەنتتەرگە – 67 200 تەڭگە;
- دايارلاۋدىڭ پەداگوگيكالىق باعىتتارى جانە «دەنساۋلىق ساقتاۋ» باعىتى بويىنشا ءبىلىم الاتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 41 898 تەڭگە;
- تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا جۇمىسشى بىلىكتىلىكتەرى بويىنشا وقيتىن ستۋدەنتتەرگە – 32 681 تەڭگە;
- تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن), ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 31 422 تەڭگە.
قاۋلى 2023 جىلعى 1 قىركۇيەكتەن باستاپ قولدانىسقا ەنەدى.
سونىمەن قاتار، مەملەكەت باسشىسىنىڭ جولداۋىن ىسكە اسىرۋ اياسىندا كەلەسى ايدان باستاپ مەكتەپكە دەيىنگى تاربيە مەن وقىتۋ پەداگوگتەرىنىڭ جالاقىسى 30 پايىزعا وسەتىن بولادى.
ۇقساس جاڭالىقتار
