پرەمەر-مينيستر ولجاس بەكتەنوۆ 2024 جىلعى 1 قىركۇيەكتەن باستاپ كوللەدجدەر مەن جوو ستۋدەنتتەرىنە ارنالعان ستيپەنديالاردى ارتتىرۋدى كوزدەيتىن ۇكىمەت قاۋلىسىنا قول قويدى. بۇل تۋرالى بۇگىن، 1 شىلدەدە عىلىم جانە جوعارى ءبىلىم مينيسترلىگى ايتتى، دەپ حابارلايدى «ادىرنا» ءتىلشىسى.
كوللەدج ستۋدەنتتەرى ءۇشىن شاكىرتاقى 50%-عا ارتىپ, جۇمىسشى ماماندىقتارى بويىنشا 43 574 تەڭگەنى، ورتا بۋىن ماماندارى ءۇشىن 41 896 تەڭگەنى قۇرايتىن بولادى.
باكالاۆريات ستۋدەنتتەرىنىڭ ستيپەندياسى 20%-عا ارتىپ, 47 135 تەڭگەگە دەيىن، ال پەداگوگيكا جانە مەديتسينا باعىتتارىنداعى ءبىلىم الۋشىلاردىڭ ستيپەندياسى 75 600 تەڭگەگە دەيىنۇلعايادى.
ينتەرناتۋرادا وقيتىندارعا ستيپەنديا 85 376 تەڭگە, ال رەزيدەنتۋرادا – 123 122 تەڭگەكولەمىندە تولەنەتىن بولادى.
ماگيسترانتتار مەن دوكتورانتتارعا ستيپەنديا 15%-عا ۇلعايتىلادى، ونىڭ مولشەرى تيىسىنشە 107 061 تەڭگەنى جانە 240 000 تەڭگەنى قۇرايدى.
سونداي-اق 2025 جىلعى 1 قىركۇيەكتە شاكىرتاقى باكالاۆريات ستۋدەنتتەرىنە 20%-عا، ماگيسترانتتار مەن دوكتورانتتارعا 15%-عا كوبەيمەك.
ايتا كەتەيىك، پرەزيدەنت تاپسىرماسى بويىنشا 2020 جىلدان باستاپ ستيپەنديانى كوبەيتۋ بويىنشا جوسپارلى جۇمىس جۇرگىزىلىپ جاتىر. سونىڭ ناتيجەسىندە 2025 جىلعا قاراي جوو مەن كوللەدج ستۋدەنتتەرىنىڭ ستيپەندياسى ەكى ەسەگە، ماگيسترانتتار مەن دوكتورانتتار ءۇشىن 1,75 ەسەگە وسەدى.
