مال دارىگەرىنىڭ ەڭبەكاقىسى 2023 جىلى 50%-عا وسەدى. بۇل تۋرالى پرەمەر-ءمينيستردىڭ ءبىرىنشى ورىنباسارى رومان سكليار ايتتى، دەپ حابارلايدى «ادىرنا» ۇلتتىق پوراتالى.
رومان سكلياردىڭ ايتۋىنشا، 2023 جىلعى 1 ناۋرىزعا دەيىن ۇكىمەتكە اۋىلدىق اۋماقتاردى دامىتۋ كونتسەپتسياسى ەنگىزىلەدى. ول 10 باعىتتان تۇرادى. ءار باعىت بويىنشا ناقتى كريتەريلەر بار. ورتالىق جانە جەرگىلىكتى اتقارۋشى ورگانداردىڭ ءىس-قيمىلىن ۇلتتىق ەكونوميكا مينيسترلىگى ۇيلەستىرەدى.
ۇكىمەت باسشىسىنىڭ ءبىرىنشى ورىنباسارى بيىل مال دارىگەرلەرىنىڭ ايلىعى 50%-عا وسكەنىن، كەلەسى جىلى تاعى دا 35-50%-عا كوتەرىلەتىنىن اتاپ ءوتتى.
“سونداي-اق ولاردىڭ دەنساۋلىعىن ساۋىقتىرۋعا ەكى ايلىق كولەمىندە جاردەماقى تولەنەدى. ۆەتەريناريا سالاسىن تسيفرلىق فورماتقا كوشىرىپ جاتىرمىز”، - دەدى رومان سكليار سەناتتىڭ جالپى وتىرىسىندا.
