ەلىمىزدە مەديتسينا سالاسىنداعى ستۋدەنتتەردىڭ شاكىرتاقىسى جىل سايىن 20%-عا دەيىن وسەدى. بۇل تۋرالى دەنساۋلىق ساقتاۋ مينيسترلىگىنىڭ عىلىم جانە ادامي رەسۋرستار دەپارتامەنتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«2025 جىلعا دەيىن شاكىرتاقىنى جىل سايىن 15% جانە 20%-عا ۇلعايتۋ جوسپارلانۋدا. بۇل جاقسى وقۋعا قوسىمشا سەرپىن بەرەدى جانە ءبىزدىڭ جوو-لارعا مىقتى تالاپكەرلەردى قوسىمشا تارتادى»، - دەدى قر دسم عارد ديرەكتورى داۋلەت الدىڭعۇروۆ.
سونىمەن قاتار 2023 جىلى مەملەكەت باسشىسىنىڭ تاپسىرماسىن ىسكە اسىرۋ ماقساتىندا رەسپۋبليكالىق بيۋدجەتتىڭ ەسەبىنەن رەزيدەنتۋرا گرانتتارىنىڭ سانىن 2500-گە دەيىن ۇلعايتۋ جوسپارلانىپ وتىر.
ايتا كەتەيىك، سوڭعى جىلدارى پرەزيدەنت پەن «امانات» پارتياسىنىڭ تاپسىرماسى بويىنشا شاكىرتاقى ايتارلىقتاي ءوستى. مىسالى، باكالاۆريات ءۇشىن ول 2 ەسەگە جۋىق، ينتەرندەردە 25%-عا، رەزيدەنتتەردە، ماگيسترانتتاردا، دوكتورانتتاردا 2021 جىلى 15%-عا ۇلعايدى.
