ۆلاديمير زەلەنسكي پرەزيدەنت سايلاۋىنىڭ باستاپقى ناتيجەسىن ەستىگەن سوڭ قاتتى قۋانىپ، جەڭىمپاز رەتىندە مالىمدەمە جاسادى
باستاپقى ناتيجەلەر بويىنشا ۋكراينانىڭ پرەزيدەنت سايلاۋىندا جەڭىسكە جەتكەن ۆلاديمير زەلەنسكي وزىنە قولداۋ بىلدىرگەن حالىققا ۇندەۋ جاسادى.
سايلاۋدىڭ ەكىنشى تۋرىنىڭ باستاپقى ناتيجەسى شىققان سوڭ ۆلاديمير زەلەنسكي قۋانعاننان سەكىرىپ، ايەلى ەلەنانى ءسۇيدى جانە ءوز كومانداسى وكىلدەرىمەن قول الىستى.
ء"بىز بۇعان بىرگە قول جەتكىزدىك", - دەدى زەلەنسكي ءوز كانديداتتىق شتابىنداعىلارعا.
ۆلاديمير زەلەنسكي جاقتاستارى مەن وزىنە داۋىس بەرگەن ۋكراينالىقتارعا العىس ايتتى.
ۆلاديمير زەلەنسكيدىڭ ءومىربايانى: بالالىق شاعى، ءبىلىمى، شىعارماشىلىعى، وتباسى
"بۇل جاۋاپتى جۇمىستى سىزدەر اتقاردىڭىزدار، مەن ەمەس. ءبىز بۇعان بىرگە قول جەتكىزدىك. ەڭ باستى جەتىستىگىمىز – ۋكراينانى، ءومىرىمىزدى، حالقىمىزدى بىرىكتىردىك", - دەپ مالىمدەدى زەلەنسكي ۆيدەوۇندەۋىندە.
ء"بىرىنشى ماقسات"
سونىمەن قاتار زەلەنسكي ۋكراينا پرەزيدەنتى رەتىندە العا قويعان ء"بىرىنشى ماقساتىن" اتادى. ول رەسەيدە قاماۋعا الىنعان ۋكراين تەڭىزشىلەرىن ۋكرايناعا قايتارۋدى كوزدەيدى.
ۆلاديمير زەلەنسكيدىڭ پرەزيدەنت سايلاۋىنا تۇسەتىنى تۋرالى مالىمدەمەسى - ۆيدەو
بۇدان بولەك، زەلەنسكي "مينسك پروتسەسى تۋرالى" ايتتى.
ء"بىز قالاي بولعاندا دا نورماندتىق فورماتتا ارەكەت ەتەتىن بولامىز، مينسك پروتسەسىن جالعاستىرىپ، قايتا باستايمىز. بىزدە كادرلىق اۋىسۋلار بولادى دەپ ويلايمىن", - دەدى زەلەنسكي ەكزيت-پولل ناتيجەسى شىققاننان كەيىنگى ءباسپاسوز ءماسليحاتىندا.
