Vladımır Zelenskıı prezıdent saılaýynyń bastapqy nátıjesin estigen soń qatty qýanyp, jeńimpaz retinde málimdeme jasady
Bastapqy nátıjeler boıynsha Ýkraınanyń prezıdent saılaýynda jeńiske jetken Vladımır Zelenskıı ózine qoldaý bildirgen halyqqa úndeý jasady.
Saılaýdyń ekinshi týrynyń bastapqy nátıjesi shyqqan soń Vladımır Zelenskıı qýanǵannan sekirip, áıeli Elenany súıdi jáne óz komandasy ókilderimen qol alysty.
"Biz buǵan birge qol jetkizdik", - dedi Zelenskıı óz kandıdattyq shtabyndaǵylarǵa.
Vladımır Zelenskıı jaqtastary men ózine daýys bergen ýkraınalyqtarǵa alǵys aıtty.
Vladımır Zelenskııdiń ómirbaıany: balalyq shaǵy, bilimi, shyǵarmashylyǵy, otbasy
"Bul jaýapty jumysty sizder atqardyńyzdar, men emes. Biz buǵan birge qol jetkizdik. Eń basty jetistigimiz – Ýkraınany, ómirimizdi, halqymyzdy biriktirdik", - dep málimdedi Zelenskıı vıdeoúndeýinde.
"Birinshi maqsat"
Sonymen qatar Zelenskıı Ýkraına prezıdenti retinde alǵa qoıǵan "birinshi maqsatyn" atady. Ol Reseıde qamaýǵa alynǵan ýkraın teńizshilerin Ýkraınaǵa qaıtarýdy kózdeıdi.
Vladımır Zelenskııdiń prezıdent saılaýyna túsetini týraly málimdemesi - vıdeo
Budan bólek, Zelenskıı "Mınsk proesi týraly" aıtty.
"Biz qalaı bolǵanda da normandtyq formatta áreket etetin bolamyz, Mınsk proesin jalǵastyryp, qaıta bastaımyz. Bizde kadrlyq aýysýlar bolady dep oılaımyn", - dedi Zelenskıı ekzıt-poll nátıjesi shyqqannan keıingi baspasóz máslıhatynda.
