اباي وبلىسىندا جول اپاتى سالدارىنان جۇرگىزۋشى تىرىدەي ورتەنىپ كەتتى، دەپ حابارلايدى “ادىرنا”.
14 تامىز كۇنى اباي وبلىسىنا قاراستى اقجار اۋىلىندا Toyota Land Cruiser جۇرگىزۋشىسى جولاۋشىلار مىنگەن Vanhool اۆتوبۋسىمەن سوقتىعىستى.
بەلگىلى بولعانداي، جول تالعامايتىن Toyota Land Cruiser كولىگىنىڭ سالونىندا ءورتتى ءسوندىرۋ كەزىندە جۇرگىزۋشىنىڭ جانىپ كەتكەن ءمايىتى تابىلعان.
ورىن العان جول اپاتىنا قاتىستى:
"اۆتوبۋس جۇرگىزۋشىسى ءۇرجار اۋداندىق اۋرۋحاناسىنا جاتقىزىلدى. قر قىلمىستىق كودەكسىنىڭ 345-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇمىستارى باستالدى. ونىڭ قورىتىندىسى بويىنشا بىرقاتار سوت-مەديتسينالىق ساراپتامالار تاعايىندالدى. ول بويىنشا پروتسەسسۋالدىق شەشىم قابىلدانادى»، - دەدى ءۇرجار اۋداندىق ءىىب باستىعىنىڭ ءبىرىنشى ورىنباسارى باۋىرجان وماروۆ.
