الەۋمەتتىك جەلىدە جۇرگىزۋشىسى جوق اۆتوبۋستىڭ وزدىگىنەن ارتقا قاراي ءجۇرىپ كەتىپ، جاساعان جول اپاتىنىڭ ۆيدەوسى پايدا بولدى، دەپ حابارلايدى «ادىرنا» ءتىلشىسى.
وقىس وقيعا 6 قىركۇيەك كۇنى اباي داڭعىلى مەن ناۋرىزباي باتىر كوشەسىنىڭ قيىلىسىندا بولعان.
قالالىق پوليتسيا دەپارتامەنتىنىڭ ايتۋىنشا، جول جيەگىندە تۇرعان №79 اۆتوبۋس وزدىگىنەن ءجۇرىپ كەتىپ، ءتورت كولىككە سوعىلعان. بۇل كەزدە قوعامدىق كولىكتىڭ جۇرگىزۋشىسى دارەتحاناعا كەتكەن. باسقارما اۆتوبۋستىڭ 84 مەتر جول جۇرگەنىن انىقتادى.
اپات سالدارىنان Kia Rio كولىگىندە بولعان ءبىر ايەل زارداپ شەگىپ، اۋرۋحاناعا جەتكىزىلدى.
قازىرگى تاڭدا بۇل دەرەكتى بوستاندىق اۋداندىق پوليتسيا باسقارماسى وندىرىسكە الدى. وقيعانىڭ ءمان-جايى انىقتالىپ جاتىر.
ەسكە سالايىق، بۇعان دەيىن ساۋىردە شىمكەنت قالاسىندا قاراۋسىز قالعان اۆتوبۋس ءجۇرىپ كەتىپ، ءبىر توپ ادامدى قاققان ەدى. سالدارىنان بەس ادام مەرت بولدى. 49 جاستاعى اۆتوبۋس جۇرگىزۋشى قاماۋعا الىندى. ونىڭ ۇستىنەن قىلمىستىق كودەكستىڭ 345-بابىمەن («كولىكتى پايدالانۋ قاعيدالارىن بۇزۋ» ءىس قوزعالدى.
View this post on Instagram
<
