Astana bos jumys oryndary jármeńkesi ótti, dep habarlaıdy “Adyrna”.
Memleket Basshysy Qasym-Jomart Toqaev elimizdiń áleýmettik-ekonomıkalyq damýy jónindegi keńeste «jańa jumys oryndary ýaqytsha emes, turaqty bolǵany jón» degen bolatyn.
Búgingi tańda ár aımaq boıynsha jumyspen qamtý kartalary bekitilgen. Josparǵa sáıkes jyl saıyn 950 myń adamǵa jumys taýyp berý kózdelgen. Olardyń barlyǵy derlik jastar men áleýmettik turǵydan osal sanattaǵy azamattar.
Astana qalasy ákimdiginiń Eńbek mobıldiligi ortalyǵy uıymdastyrǵan «Bos jumys oryndary jármeńkesi» halyqty turaqty jumyspen qamtýdyń negizgi kózine aınalyp otyr. Sebebi jyl basynan beri ortalyq arqyly 8 myńǵa jýyq adam óz jumysyn tapqan.
«Bos jumys oryndary jármeńkesi» osymen on ekinshi ret ótkizilip otyr. Tamyz aıynyń sońynda taǵy bireýi ótedi, al jyl sońyna deıin bes jármeńke ótkizý josparymyz bar. Mundaı sharalar jumys berýshige de, jumys izdeýshige de múmkindik beredi. Óıtkeni, jumys izdep júrgen adam jumys berýshimen tikeleı suhbattasý múmkindigine ıe. Tipti, birden jıyrma shaqty mekemege óz túıindemesin qaldyryp, qysqa ýaqytta jumys tabýyna bolady», – deıdi Astana qalasy ákimdiginiń Eńbek mobıldiligi ortalyǵynyń dırektory Omar Oljas.
Jármeńkege jumys izdep kelgenderdiń deni oqý oryndaryn endi bitirgen túlekter ekeni baıqalady. Olar kóbine bilim berý, medıına, IT jáne qarjy salalary boıynsha jumys berýshilermen suhbattasty.
«Astana qalasynyń «Eńbek mobıldiligi ortalyǵy» jyl basynan beri 18 shaǵyn jáne 2 iri bos jumys oryndar jármeńkesin ótkizgen bolatyn. Osy aralyqta jármeńkemizge 286 jumys berýshi 3 myńǵa jýyq bos jumys ornymen qatysty. Al búgin 75-ten astam iri jumys berýshi kelýshilerge 600-ge jýyq bos jumys ornyn usynyp otyr. Jármeńkege ártúrli saladaǵy jumys berýshiler qatysty. Máselen, qurylys, densaýlyq saqtaý, bilim berý, qarjy salalary jáne t.b. Jiktemelep aıtar bolsaq, búgingi tańda «Jasyl aımaq» uıymyna 30-40 júrgizýshi, Astana qalalyq Polıııa departamentine 100 qyzmetker qajettiligi bar. Odan bólek, Halyq banki, Hoým Kredıt banki, «BAZIS-A» qurylys kompanııasy, «entrkazenergmontaj» AQ, «Magným» saýda jelisi, «Mechta» dúkeni, «SMEU Astana» JShS jáne basqa da kóptegen kompanııalar jumys izdegen jandarǵa bos oryn usynýǵa ázir», – dedi Astana qalasy ákimdiginiń «Eńbek mobıldiligi ortalyǵy» KMM «Saryarqa» Mansap ortalyǵynyń basshysy Baǵıla Orymbetova.
Tártip saqshysy bolǵysy keletinder eń aldymen buǵan deıin qylmystyq jáne ákimshilik jaýapkershilikke tartylmaǵan bolýy tıis.
«Partrýldik polıııa polkine jasy 18-35 jas aralyǵynda nemese arnaıy orta bilimderi quqyqtaný mamandyǵy, dene shynyqtyrý mamandyǵy, jol qozǵalysyn uıymdastyrý mamandyqtary boıynsha jumysqa qabyldaımyz», - dedi Astana qalalyq PD patrýldik polıııa polki rota komandıriniń orynbasary Asylhan Júzbaev.
«Óz jumysymdy taptym. Partrýldik polıııaǵa qyzyǵýshylyq tanytyp otyrmyn. Talaptary kelip tur. Aldymen memlekettik emtıhan tapsyrýym kerek eken. Sosyn baryp Pavlodarǵa eki aıǵa oqýǵa jiberedi. Jalaqysy alǵashqyda 180 myń teńge delindi. Jalpy barýǵa nıet bar», - dep ynta bildirdi jumys izdeýshi Aınabek Musylman.
«Iá, mektepterge baryp kórdim. Konkýrsqa qujattarymdy tapsyrdym. Jalaqysy 200 myńnan bastalady eken. Negizgi mamandyǵym – matematıka páni muǵalimi. Talaptary sol bárinde derlik birdeı. Buǵan deıin kolledjde istegenmin. Endi mektepke kirgim keledi», - dedi qala turǵyny Jastalapova Janargúl.
