الماتىداعى مەدەۋ مۇز ايدىنىندا Black Eyed Peas توبىنىڭ مەگا-جۇلدىزدارى «ازيا داۋىسى–2023» فەستيۆالىندە ونەر كورسەتتى، - دەپ جازادى "الماتى اقشامى" باسىلىمى.
فەستيۆال تاريحىندا العاش رەت شاقىرىلعان الەم جۇلدىزدارىنىڭ تولىققاندى جەكە كونتسەرتى ءوتتى. ول zakazbiletov.kz جوباسىنىڭ ديرەكتورى ءسابيت سۇلەيمەنوۆتىڭ ارقاسىندا مۇمكىن بولدى. نەلىكتەن «Black Eyed Peas?». ولار قازاقستانعا قالايشا كەلدى؟ ءسابيت سۇلەيمەنوۆتىڭ ايتۋىنشا، Black Eyed Peas توبى قازىر ەۋروپاداعى گاسترولدە ءجۇر. ەگەر ولار امەريكادا بولعاندا الىپ كەلۋ قيىنعا سوعار ەدى. «ازيا داۋىسىنىڭ» ۋاقىتىندا ولار بوس بولدى. الماتىعا ۆەنگريادان ۇشىپ كەلدى، ەندى يسپانياعا ۇشىپ كەتەدى.
قازىرگى ۋاقىتتا Black Eyed Peas توبى «Where is the Love?» ءحيتىنىڭ 20 جىلدىعى جانە وسى اتتاس توعىزىنشى البومنىڭ شىعۋىنا وراي Elevation الەمدىك تۋرنەسىن وتكىزۋدە. بىرگە اتاپ ءوتۋ ءۇشىن ءتىرى اڭىز will.i.am توپقا قايتا قوسىلدى. ال J.Rey Soul فەرگيدى ءساتتى الماستىردى.
كەشەگى كونتسەرتتە كىشىگىرىم وقيعا بولدى. داعىستاننان كەلگەن توپتىڭ جانكۇيەرى ساحناعا پلاكات ۇستاپ كىردى. ءتىپتى، ونىمەن بىرگە ءاننىڭ ءبىر بولىگىن ورىندادى. ونىڭ قۋانىشىندا شەك بولمادى! ستاديونداعى باقىتتى ادام مەن will.i.am ارەكەتىن قاتتى قولدادى. بۇل قازىردىڭ وزىندە جاندانعان «ازيا داۋىسى» ءتۋريزمىنىڭ دامۋىنا مىقتى اسەر بەرۋدە. سەبەبى، قازاقستاننىڭ ءار قالالارىنان جانە رەسەي، بىرىككەن اراب امىرلىكتەرى سياقتى بىرنەشە ەلدەردەن جانكۇيەرلەر الماتىعا تەك Black Eyed Peas ءۇشىن كەلدى. الماتى بۇرىن-سوڭدى مۇنداي كەرەمەت شوۋدى كورگەن ەمەس: Black Eyed Peas 2000 جىلدارداعى حيتتەرىن ورىنداعان كەزدە كورەرمەندەر تۇگەل بيلەپ كەتتى.
بۇل سالتاناتتى كەش وتە جاقسى اياقتالدى. «حارەكەت» قوعامدىق قورى «ازيا داۋىسى» ساحناسىندا قازاقستاندىقتاردىڭ اقشاسىنا ساتىپ الىنعان پاتەردىڭ كىلتىن مۇقتاج وتباسىنا تابىس ەتتى! «حارەكەت» قورى 2017 جىلى «1000 تەڭگەگە باسپانا» جوباسى اياسىندا قۇرىلعان ەدى. مۇقتاج جاندارعا كومەكتەسۋ ءۇشىن اركىم بار بولعانى مىڭ تەڭگە بەرە الادى. وسىلايشا كومەككە قاجەتتى سوما جينالادى. قۇرىلعالى بەرى قور وتباسىلارعا 650-دەن استام ءۇي ساتىپ السا، كەشە ايگۇل سارىباەۆانىڭ وتباسى باسپانا كىلتىن الدى. شاڭىراقتارى باقىتقا تولى بولسىن! «ازيا داۋىسى» انمەن عانا ەمەس، يگى ىستەرمەن دە بىرىكتىرەدى!
فەستيۆال دەمەۋشىلىك پەن اقپاراتتىق قولداۋدىڭ ارقاسىندا مۇمكىن بولعانىن ەسكە سالامىز! «ازيا داۋىسى–2023» فەستيۆالىنىڭ باس سەرىكتەسى جانە تەڭ ۇيىمداستىرۋشىسى – Halyk Bank. ونىڭ سىيلىقتارى كۇن سايىن مەدەۋدەگى ءىس-شارالار كەزىندە ويناتىلادى جانە وعان بارلىعى قاتىسا الادى!
30 شىلدەدە وتەتىن كونتسەرتكە بيلەت ساتىپ العاندار فەستيۆالدىڭ تاعى ءبىر دەمەۋشىسى – Allur Auto ۇسىنعان Chevrolet Onix اۆتوكولىگىن ۇتىپ الۋ مۇمكىندىگىنە يە بولدى.
الماتى قالاسىنىڭ اكىمدىگى كورەرمەندەردىڭ مەدەۋگە وڭاي جەتىپ، قالاعا جىلدام ورالۋىن قامتاماسىز ەتتى. فەستيۆال كەزىندە قوسىمشا اۆتوبۋس باعىتى ىسكە قوسىلدى. ساتباەۆ پەن بايتۇرسىنوۆ قيىلىسىنان اۆتوبۋستار ساعات 14.00-دەن 24.00-گە دەيىن 10–15 مينۋت ارالىقپەن ءجۇرىپ تۇردى. ءبىر باعىتقا ءجۇرۋ قۇنى 150 تەڭگە. كەشە كونتسەرتتەن قايتقان حالىقتى اۆتوبۋستار تەگىن تاسىدى.
رەسمي تەلەارنا: Silk Way بولسا، رەسمي گازەتتەر: «Almaty aqshamy» مەن «ۆەچەرني الماتى» بولدى.
اقپاراتتىق قولداۋدى «1 كانال «ەۆرازيا»، «نتك»، MUZZONE TV, Business FM, RadioCitۋ، «دەلوۆوي كازاحستان»، «قالا مەن دالا»، «نوۆوە پوكولەنيە»، «موسكوۆسكي كومسومولەتس»، Forbes.kz, Zakon.kz, Caravan.kz, Kursiv.media, Nege.kz, Arbat.media, Informburo.kz, Baigenews.kz, Zhatpa.kz, Weproject.media, DALA INSIDE تەلەگرامى، تۇركىتىلدەس جۋرناليستەر قورى مەن «قازاقستاندىق پرەسس-كلۋب» جۇزەگە اسىردى. سونىمەن قاتار، «ازيا داۋىسى» جوباسىنىڭ نەگىزىن سالعان، يدەيا اۆتورى مۇرات ەرعاليەۆ پەن رەجيسسەر الەكساندر پونومارەۆتىڭ ەرلىگى ويعا ورالادى.
ايتا كەتەيىك، ءان فەستيۆالى 3 كۇنگە سوزىلعان بولاتىن. جاس ونەرپازدار عالىمجان مولدانازار، سادريددين، تاعى باسقالار ونەر كورسەتتى، ءان شىرقادى.
«ءبىزدىڭ شارامىز كوپتىڭ كوڭىلىنەن شىققانىنا ريزامىز. كورەرمەندەر كوپتەپ كەلدى. قولداۋلارىڭىزعا العىس بىلدىرەمىز»، – دەدى مەديامەنەدجەر ارمانجان بايتاسوۆ. قازىرگى تاڭدا جاس ونەر جۇلدىزدارى ءوسىپ كەلەدى. ولار دا اتى اڭىزعا اينالعان فەستيۆال كونتسەرتىنە قاتىسقاندىقتارىنا ءدان ريزا.
«ازيا داۋىسى» – اڭىزعا اينالعان فەستيۆال. بالا كەزىمىزدەن ىنتىق بولىپ وستىك. بۇگىندە ءارتىس رەتىندە ءوزىم شىقتىم. جۇرەگىمنەن ۇلكەن ورىن الادى»، – دەدى ءانشى عالىمجان مولدانازار. سونداي-اق، قالا تۇرعىندارى دا ءوز كوڭىل كۇيىمەن ءبولىستى. ىشتەگى سىرلارىمەن ءبولىسىپ، بۇرىنعى كەزەڭدەردى ەسكە الدى.
«قانشا جىلدان بەرى كۇتتىك. وسى كونتسەرتتىك شارانى ساعىندىق. سوناۋ 2000 جىلداردىڭ توڭىرەگىندە اتى دۇركىرەپ تۇراتىن. سول كەزدە تەلەديداردان كورسەتىپ، گازەتكە جارنامالايتىن. ەندى تەك جاندانا بەرسىن دەگەن نيەتتەمىز»، – دەدى قالا تۇرعىنى گۇلزيرا ورازوۆا.
