Almatydaǧy Medeu mūz aidynynda Black Eyed Peas tobynyŋ mega-jūldyzdary «Aziia dauysy–2023» festivalınde öner körsettı, - dep jazady "Almaty Aqşamy" basylymy.
Festival tarihynda alǧaş ret şaqyrylǧan älem jūldyzdarynyŋ tolyqqandy jeke konsertı öttı. Ol zakazbiletov.kz jobasynyŋ direktory Säbit Süleimenovtıŋ arqasynda mümkın boldy. Nelıkten «Black Eyed Peas?». Olar Qazaqstanǧa qalaişa keldı? Säbit Süleimenovtıŋ aituynşa, Black Eyed Peas toby qazır Europadaǧy gastrolde jür. Eger olar Amerikada bolǧanda alyp kelu qiynǧa soǧar edı. «Aziia dauysynyŋ» uaqytynda olar bos boldy. Almatyǧa Vengriiadan ūşyp keldı, endı İspaniiaǧa ūşyp ketedı.
Qazırgı uaqytta Black Eyed Peas toby «Where is the Love?» hitınıŋ 20 jyldyǧy jäne osy attas toǧyzynşy albomnyŋ şyǧuyna orai Elevation älemdık turnesın ötkızude. Bırge atap ötu üşın tırı aŋyz will.i.am topqa qaita qosyldy. Al J.Rey Soul Fergidı sättı almastyrdy.
Keşegı konsertte kışıgırım oqiǧa boldy. Daǧystannan kelgen toptyŋ janküierı sahnaǧa plakat ūstap kırdı. Tıptı, onymen bırge ännıŋ bır bölıgın oryndady. Onyŋ quanyşynda şek bolmady! Stadiondaǧy baqytty adam men will.i.am äreketın qatty qoldady. Būl qazırdıŋ özınde jandanǧan «Aziia dauysy» turizmınıŋ damuyna myqty äser berude. Sebebı, Qazaqstannyŋ är qalalarynan jäne Resei, Bırıkken Arab Ämırlıkterı siiaqty bırneşe elderden janküierler Almatyǧa tek Black Eyed Peas üşın keldı. Almaty būryn-soŋdy mūndai keremet şoudy körgen emes: Black Eyed Peas 2000 jyldardaǧy hitterın oryndaǧan kezde körermender tügel bilep kettı.
Būl saltanatty keş öte jaqsy aiaqtaldy. «Hareket» qoǧamdyq qory «Aziia dauysy» sahnasynda qazaqstandyqtardyŋ aqşasyna satyp alynǧan päterdıŋ kıltın mūqtaj otbasyna tabys ettı! «Hareket» qory 2017 jyly «1000 TEŊGEGE BASPANA» jobasy aiasynda qūrylǧan edı. Mūqtaj jandarǧa kömektesu üşın ärkım bar bolǧany myŋ teŋge bere alady. Osylaişa kömekke qajettı soma jinalady. Qūrylǧaly berı qor otbasylarǧa 650-den astam üi satyp alsa, keşe Aigül Sarybaevanyŋ otbasy baspana kıltın aldy. Şaŋyraqtary baqytqa toly bolsyn! «Aziia dauysy» änmen ǧana emes, igı ıstermen de bırıktıredı!Festival demeuşılık pen aqparattyq qoldaudyŋ arqasynda mümkın bolǧanyn eske salamyz! «Aziia dauysy–2023» festivalınıŋ bas serıktesı jäne teŋ ūiymdastyruşysy – Halyk Bank. Onyŋ syilyqtary kün saiyn Medeudegı ıs-şaralar kezınde oinatylady jäne oǧan barlyǧy qatysa alady! 30 şıldede ötetın konsertke bilet satyp alǧandar festivaldıŋ taǧy bır demeuşısı – Allur Auto ūsynǧan Chevrolet Onix avtokölıgın ūtyp alu mümkındıgıne ie boldy. Almaty qalasynyŋ äkımdıgı körermenderdıŋ Medeuge oŋai jetıp, qalaǧa jyldam oraluyn qamtamasyz ettı. Festival kezınde qosymşa avtobus baǧyty ıske qosyldy. Sätbaev pen Baitūrsynov qiylysynan avtobustar saǧat 14.00-den 24.00-ge deiın 10–15 minut aralyqpen jürıp tūrdy. Bır baǧytqa jüru qūny 150 teŋge. Keşe konsertten qaitqan halyqty avtobustar tegın tasydy. Resmi telearna: Silk Way bolsa, resmi gazetter: «Almaty aqshamy» men «Vechernii Almaty» boldy. Aqparattyq qoldaudy «1 kanal «Evraziia», «NTK», MUZZONE TV, Business FM, RadioCitu, «Delovoi Kazahstan», «Qala men dala», «Novoe pokolenie», «Moskovskii komsomoles», Forbes.kz, Zakon.kz, Caravan.kz, Kursiv.media, Nege.kz, Arbat.media, Informburo.kz, Baigenews.kz, Zhatpa.kz, Weproject.media, DALA INSIDE telegramy, Türkıtıldes jurnalister qory men «Qazaqstandyq press-klub» jüzege asyrdy. Sonymen qatar, «Aziia dauysy» jobasynyŋ negızın salǧan, ideia avtory Mūrat Erǧaliev pen rejisser Aleksandr Ponomarevtyŋ erlıgı oiǧa oralady. Aita keteiık, än festivalı 3 künge sozylǧan bolatyn. Jas önerpazdar Ǧalymjan Moldanazar, Sadriddin, taǧy basqalar öner körsettı, än şyrqady. «Bızdıŋ şaramyz köptıŋ köŋılınen şyqqanyna rizamyz. Körermender köptep keldı. Qoldaularyŋyzǧa alǧys bıldıremız», – dedı mediamenedjer Armanjan Baitasov. Qazırgı taŋda jas öner jūldyzdary ösıp keledı. Olar da aty aŋyzǧa ainalǧan festival konsertıne qatysqandyqtaryna dän riza. «Aziia dauysy» – aŋyzǧa ainalǧan festival. Bala kezımızden yntyq bolyp östık. Bügınde ärtıs retınde özım şyqtym. Jüregımnen ülken oryn alady», – dedı änşı Ǧalymjan Moldanazar. Sondai-aq, qala tūrǧyndary da öz köŋıl küiımen bölıstı. Iştegı syrlarymen bölısıp, būrynǧy kezeŋderdı eske aldy. «Qanşa jyldan berı küttık. Osy konserttık şarany saǧyndyq. Sonau 2000 jyldardyŋ töŋıregınde aty dürkırep tūratyn. Sol kezde teledidardan körsetıp, gazetke jarnamalaityn. Endı tek jandana bersın degen niettemız», – dedı qala tūrǧyny Gülzira Orazova.
