الماتىدا قوعامدىق اۆتوبۋس باعدارشام مەن گاز قۇبىرىنا سوعىلىپ، جاياۋ جۇرگىنشىنى قاعىپ كەتتى. بۇل تۋرالى krispnews.kz جاريالادى، دەپ حابارلايدى “ادىرنا” ۇلتتىق پورتالى.
جەلىدە تاراعان بەينەجازبادان №100 جولاۋشىلار اۆتوبۋسى جولدىڭ شەتىنە شىعىپ كەتكەنىن كورۋگە بولادى.
الماتى قالالىق پوليتسيا دەپارتامەنتىنىڭ مالىمەتىنشە، جول-كولىك وقيعاسى 23 قازان كۇنى تۇسكى ساعات 12:00 شاماسىندا مەدەۋ اۋدانىندا بولعان.
"Foton" اۆتوبۋسىنىڭ جۇرگىزۋشى حاليۋللين كوشەسىمەن باتىس باعىتتا كەلە جاتىپ تاتتىبەكوۆ كوشەسىنىڭ قيىلىسىندا رۋلگە يە بولا الماي، جول جيەگىنە شىعىپ باعدارشام مەن گاز قۇبىرىنا سوعىلدى، - دەپ حابارلادى دەپارتامەنت.
جول اپاتى سالدارىنان 59 جاستاعى جاياۋ جۇرگىنشى زارداپ شەكتى. ول اۋرۋحاناعا جەتكىزىلدى.
ۇقساس جاڭالىقتار
