جاپوندىقتار ەندى سۋ ۇستىندە ءومىر سۇرۋگە بەل بايلادى. ەلدەگى N-Ark ستارتاپى مۇحيت بەتىندە بوي كوتەرەتىن Dogen City دەپ اتالاتىن الىپ قالقىمالى قالا كوتەرۋ جوسپارىن جاريالادى، دەپ حابارلايدى "ادىرنا" ۇلتتىق پورتالى.
سۋ ۇستىندەگى قالاسىڭ جوباسى جايى Robb Report باسىلىمى جازدى.
جوبادا ايتىلعانداي، قالا ساقينا تاقىلەتتەس سيپاتتا بولادى. سۋ بەتىندەگى ساقينا قالانى تسۋناميدەن قورعايدى دەپ جوسپارلانعان. سۋ ۇستىندە قالا تۇرعىزۋداعى ماقسات - تۇرعىنداردى وزىق مەديتسينالىق قىزمەتتەر قامتاماسىز ەتۋ، كەلەشەكتەگى روبوتتىق حيرۋرگيانى جانداندىرۋ جانە ازىق-تۇلىك ءوندىرىسى مەن جاڭارتىلاتىن ەنەرگيا ءوندىرۋ ارقىلى جاڭا ءومىر سالتىنا كوشۋ.
جوسپاردا بىرقاتار باعىتتار قاراستىرىلعان. ءتىپتى، جاپوندىق جاسامپازدار قالادان عارىش كەمەسىن ۇشىرۋ الاڭىن سالۋدى قاراستىرىپ وتىر.
وندا ءتىپتى عارىش اپپاراتتارىن ۇشىرۋ الاڭداردى دا قاراستىرىلعان.
قالقىمالى Dogen City قالاسى ءۇش قاباتتان تۇرادى. قالادا سالىناتىن عيماراتتار مەن كەشەندەر سالاتىق باعىتتا ءۇش باعىتقا بولىنبەك. ونىڭ مىنانداي ماڭىزدى تۇستارى بار:
بىرىنشىدەن، بۇل ءومىر سۇرۋگە جارامدى، ءوزىن-ءوزى قامتاماسىز ەتەتىن تەڭىز اۋىلى، وندا تىكەلەي تۇرعىن ءۇي ورنالاسادى.
سودان كەيىن تابيعي تۇردە مۇحيتپەن سالقىنداتىلاتىن سۋ استىنداعى دەرەكتەر ورتالىعى ەنەرگيا شىعىنىن ازايتادى.
سوڭعى قاباتى SpaceX-پەن بايلانىستى بولادى جانە زىمىرانداردىڭ ۇشۋ جانە قونۋ الاڭىنا اينالادى.
ازىق-تۇلىك، ءداندى-داقىلدار تەڭىز سۋىن كادەگە جاراتۋ ارقىلى قالاسىڭ اۋماعىندا وسىرىلەدى. بۇل ءۇشىن يننوۆاتسيالىق تەحنولوگيالار پايدالانىلادى.
جوبا جىلىنا شامامەن 7 000 توننا ازىق-تۇلىك جانە 22 265 000 كۆت ەلەكتر ەنەرگياسىن وندىرەدى دەگەن ماقسات بار.
"ادىرنا" ۇلتتىق پورتالى
