الماتى قالاسىنىڭ تۋماسى، Forbes تىزىمىندەگى حورۆات ازاماتتىعى بار كاسىپكەر ۆاسيلي انيسيموۆ «قازاقستان حالقىنا» قورىنا 22 ميلليارد تەڭگەدەن استام قارجى اۋداردى، - دەپ حابارلايدى "ادىرنا" ءتىلشىسى. اقپاراتتى قوردىڭ ءباسپاسوز قىزمەتى راستادى.
«قازاقستان حالقىنا» تۇسكەن تۇسىمدەر تۋرالى ەسەپتە 2023 جىلدىڭ 1 قاڭتارى مەن 30 ماۋسىمى ارالىعىندا قورعا 23 ميلليارد 404 ميلليون 145 مىڭ تەڭگە تۇسكەنى كورسەتىلگەن.
سومانىڭ كوپ بولىگى ءساۋىر ايىندا كەلدى. مەتسەنات ۆاسيلي انيسيموۆ ەكى ترانشى بار: ءبىرىنشىسى، 3 ساۋىردە – 451 مىڭ 710
تەڭگە، ەكىنشىسى، 6 ساۋىردە – 22 ميلليارد 339,5 ميلليون تەڭگە.
ۆاسيلي انيسيموۆ 1951 جىلى الماتىدا دۇنيەگە كەلگەن. شۆەيتسارياداعى Coalco ازىرلەۋ كومپانياسىنىڭ يەسى جانە رەسەيدەگى ەڭ ءىرى تاۋ-كەن مەتاللۋرگيالىق حولدينگتەرىنىڭ ءبىرى مەتاللينۆەستتىڭ بۇرىنعى تەڭ يەسى. 1,6 ميلليارد دوللارلىق جەكە بايلىعىمەن (Forbes مالىمەتتەرى بويىنشا) 2022 جىلى ول رەسەيدەگى 200 ەڭ باي بيزنەسمەندەر تىزىمىندە 54-ءشى ورىندى يەلەندى.
2022 جىلدىڭ جەلتوقسانىندا انيسيموۆ حورۆاتيا ازاماتتىعىن العانى بەلگىلى بولدى.
ۇقساس جاڭالىقتار
"ادىرنا" ۇلتتىق پورتالى
