27 جاستاعى اتىراۋلىق الينا كۋزنياتكينا 81 جاستاعى نەمىس ميللياردەرى حورست-ديتەر ەشكە تۇرمىسقا شىقتى، - دەپ حابارلايدى “ادىرنا” پورتالى atyrauoil.official سايتىنا سىلتەمە جاساپ.
ەرلى-زايىپتىلار بىرنەشە اي بۇرىن وتاۋ قۇرىپ، جاقىندا عانا قىزدى بولدى. بۇل ميللياردەردىڭ ەكىنشى قىزى، ءبىرىنشىسى 1971 جىلى يۋگوسلاۆيادان كەلگەن مودەلدەن تۋعان.
بەلگىلى بولعانداي، كاسىپكەردىڭ ءوزى گەرمانيادان بولسا دا ەرلى-زايىپتىلار قازىر مەكسيكادا تۇرادى جانە امەريكا قۇراما شتاتتارىندا مۇلىكتەرى بار.
ۇيلەنگەننەن كەيىن الينا بۇرىنعى دوستارىنان الشاقتاپ، قازىر تەك كۇيەۋىنىڭ اينالاسىنداعى ادامدارمەن سويلەسەدى. قىزدىڭ اتا-اناسى جاس ايىرماشىلىعىنا قاراماستان ونىڭ تاڭداۋىن قولدادى. ول قازىر ءساندى سىيلىقتارعا تولى جابىق الەمدە ءومىر سۇرەدى، بىراق وعان باسپاسوزدە جەكە ءومىرى تۋرالى تۇسىنىكتەمە بەرۋگە تىيىم سالىنادى.
الينانىڭ اتا-اناسى كيىم دۇكەنىنىڭ قوجايىنى. وتباسىنىڭ الەۋمەتتىك جەلىدەگى فوتولارىندا التىنمەن اپتاپ، كۇمىسپەن قاپتالعان بەلگىلەر بايقالمايدى.
