بۇگىن شىمكەنت قالاسىنىڭ اكىمى مۇرات ايتەنوۆ اباي اۋدانىنا قاراستى سامال-3 شاعىناۋدانىنا باردى. مۇندا مۇرات دۇيسەنبەكۇلى شاعىن اۋداننىڭ ا.ءابدرامانوۆ كوشەسىندە جاڭادان بوي كوتەرگەن بالالار ويىن الاڭشاسىنىڭ قۇرىلىس بارىسىمەن تانىستى. مەردىگەر مەكەمە “ىنتىماق بەس ارىس” جاۋاپكەرشىلىگى شەكتەۋلى سەرىكتەستىگى تاراپىنان سالىنىپ جاتقان ويىن الاڭشاسى مەملەكەت قارجىسى ەسەبىنەن 23,5 ميلليون تەڭگەگە تۇرعىزىلۋدا. مەكەمە باسشىسىنا قۇرىلىس جۇمىستارىن كەستەگە ساي ۋاقىتىلى تاپسىرۋدى جۇكتەدى.
ودان بولەك اباي اۋدانى اۋماعىنداعى 14 مەكەنجايدا بالالار الاڭشاسى جانە 3 شاعىناۋداندا سپورت الاڭشاسى ورناتىلۋدا.
ايتا كەتسەك، سامال-3 شاعىن اۋدانىندا بۇگىندە 27 مىڭنان اسا حالىق تۇرادى. جالپى شاعىن اۋدان 100 پايىز اۋىز سۋ، ەلەكتر جارىعى، تابيعي گازبەن، تالشىقتى ينتەرنەتپەن قامتىلعان، سونداي-اق بيىد 14 كوشەگە جوندەۋ جۇمىستارى جۇرگىزىلەدى.
