قر جوعارى سوتىنىڭ قىلمىستىق ىستەر جونىندەگى سوت القاسىنىڭ توراعاسى نازگۇل راحمەتۋللينا جامبىل وبلىسىنىڭ بۇرىنعى اكىمى جانە «قازسەلدەنقورعاۋ» ۇيىمىنىڭ باسشىسى كارىم كوكىرەكباەۆتىڭ اقتالۋىنا بايلانىستى پىكىر ءبىلدىردى، دەپ حابارلايدى Adyrna.kz ۇلتتىق پورتالى.
7 ماۋسىم كۇنى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قر تجم اۋماقتىق بولىمشەسىنىڭ لاۋازىمدى تۇلعالارىنا قاتىستى قىلمىستىق ءىستى قاراپ، اسا ءىرى كولەمدە پارا الدى دەلىنگەن كارىم كوكىرەكباەۆتى اقتاعان بولاتىن.
نازگۇل ماۋىلحانقىزى ەكس-اكىمگە شىققان ۇكىم ءالى كۇشىنە ەنبەگەنىن مالىمدەدى.
“وزدەرىڭىزدە بىلەسىزدەر ءىستى مەن قاراماعاندىقتان ناقتى ءمان-جايىن ايتا المايمىن. ول القابيلەردىڭ قاتىسۋىمەن قارالعان. القابيلەر وسىنداي شەشىمگە كەلدى. مەنىڭ بىلۋىمشە قازىرگى تاڭدا ءىس بويىنشا پروكۋروردىڭ ارىزى ءتۇستى. ەندى اپپەلياتسيالىق ساتىدا ءىس قارالادى. بۇل تۋرالى سوت اقپارات تاراتاتىن بولادى.
قازىرگى تاڭدا القابيلەر شەشىمى زاڭدىق كۇشىنە ەنگەن جوق. سوندىقتان ول زاڭدى ما، جوق پا، نەگىزسىز با ايتۋعا قۇقىلى ەمەسپىن” - دەدى ول.
ەستەرىڭىزدە بولسا، 2022 جىلدىڭ جەلتوقسان ايىندا سىبايلاس جەمقورلىققا قارسى قىزمەت تجم «قازسەلدەنقورعاۋ» مم ديرەكتورى كارىم كوكىرەكباەۆتىڭ پارا الۋ كەزىندە ۇستالعان بولاتىن. ال 7 ماۋسىم كۇنى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قر تجم اۋماقتىق بولىمشەسىنىڭ لاۋازىمدى تۇلعالارىنا قاتىستى قىلمىستىق ءىستى قاراپ، اسا ءىرى كولەمدە پارا الدى دەلىنگەن كارىم كوكىرەكباەۆتى اقتادى.
