ەنەرگەتيكا ءمينيسترى الماسادام ساتقاليەۆ بۇگىن ۇكىمەت وتىرىسىنان كەيىن تىلشىلەرگە بەرگەن سۇحباتىندا اەس قۇرىلىسىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
«ۇكىمەتتىڭ نازارىندا تۇرعان جوبالاردىڭ ءبىرى – اتوم ەلەكتر ستانساسىن سالۋ. ءتيىستى جول كارتاسى بار، قازىر سونىڭ اياسىندا نىسان سالىناتىن ورىندى تاڭداۋ جونىندە قوعامدىق تىڭداۋ وتەدى. ءارى قارايعى شەشىم سول قوعامدىق تىڭداۋدىڭ قورىتىندىسى بويىنشا جانە ۇكىمەتتىڭ ساراپشىلارمەن اقىلداسۋىنان كەيىن قابىلدانادى. «قازاقستان اتوم ەلەكتر ستانسالارى» قازىر وتكىزىپ جاتقان كونكۋرس ءالى كۇشىندە. ول جەردە بىرنەشە الەۋەتتى قاتىسۋشى بار. اەس سالۋ تۋرالى تالاي ايتتىق. كونكۋرسقا قاتىسۋشىلاردىڭ قاتارىن كەڭەيتتىك جانە جول كارتاسى اياسىندا جۇمىس ىستەپ جاتىرمىز»، - دەدى ەنەرگەتيكا ءمينيسترى.
ەسكە سالساق، بۇعان دەيىن «سامۇرىق-قازىنا» اق باسقارما توراعاسى نۇرلان جاقىپوۆ اەس قۇرىلىسى تۋرالى ايتپاس بۇرىن اۋەلى «ونداي نىسان قازاقستانعا كەرەك پە؟» دەگەن ساۋالعا جاۋاپ بەرۋ قاجەتتىگىن ايتقان بولاتىن.
"ادىرنا" ۇلتتىق پورتالى
