Energetika ministrı Almasadam Sätqaliev bügın Ükımet otyrysynan keiın tılşılerge bergen sūhbatynda AES qūrylysyna qatysty pıkır bıldırdı, dep habarlaidy "Adyrna" ūlttyq portaly.
«Ükımettıŋ nazarynda tūrǧan jobalardyŋ bırı – Atom elektr stansasyn salu. Tiıstı Jol kartasy bar, qazır sonyŋ aiasynda nysan salynatyn oryndy taŋdau jönınde qoǧamdyq tyŋdau ötedı. Ärı qaraiǧy şeşım sol qoǧamdyq tyŋdaudyŋ qorytyndysy boiynşa jäne Ükımettıŋ sarapşylarmen aqyldasuynan keiın qabyldanady. «Qazaqstan atom elektr stansalary» qazır ötkızıp jatqan konkurs älı küşınde. Ol jerde bırneşe äleuettı qatysuşy bar. AES salu turaly talai aittyq. Konkursqa qatysuşylardyŋ qataryn keŋeittık jäne Jol kartasy aiasynda jūmys ıstep jatyrmyz», - dedı Energetika ministrı.Eske salsaq, būǧan deiın «Samūryq-Qazyna» AQ basqarma töraǧasy Nūrlan Jaqypov AES qūrylysy turaly aitpas būryn äuelı «Ondai nysan Qazaqstanǧa kerek pe?» degen saualǧa jauap beru qajettıgın aitqan bolatyn.
"Adyrna" ūlttyq portaly
Ūqsas jaŋalyqtar
