الماتى وبلىسىندا بىرقاتار مەديتسينالىق مەكەمەلەرگە مەملەكەت پەن جەكەمەنشىكتىڭ ارىپتەستىگى ارقىلى كۇردەلى جوندەۋ جۇمىستارى جۇرگىزىلدى. اتاپ ايتقاندا 2020 جىلى سەنىمگەرلىك باسقارۋ قۇقىعىنا يە بولعان «A-CLASS MEDICAL» جشس تالعار اۋداندىق اۋرۋحاناسىنا قاراستى 27 نىسانعا كۇردەلى جوندەۋ جۇمىستارىن جۇرگىزدى. اۋرۋحانا قازىر مەديتسينالىق قىزمەتتەردىڭ بارلىق تسيكلىن ۇسىنىپ وتىر. سونىمەن قاتار مەملەكەتتىك-جەكەمەنشىك ارىپتەستىك نەگىزىندە 4 جاڭا مەديتسينالىق ورتالىق پايدالانۋعا بەرىلدى. اتاپ ايتقاندا ەڭبەكشىقازاق اۋدانىنداعى دوستىق اۋىلى مەن ق. ۇلتاراقوۆ اۋىلىندا، تالعار اۋدانى قىزىل قايرات اۋىلى جانە ىلە اۋدانىنداعى چاپاي اۋىلىندا مەديتسينالىق ورتالىقتارعا كۇردەلى جوندەۋ جۇمىستارى جاسالدى. زاماناۋي مەديتسينالىق جابدىقتارمەن جابدىقتالعان بارلىق ورتالىقتاردا حالىققا قاجەتتى بەيىندى ماماندار مەديتسينالىق قىزمەت كورسەتىپ وتىر.
دەنساۋلىق ساقتاۋ باسقارماسىنىڭ باسشىسى اقتاەۆا ءلاززات مەيراشقىزى وبلىستا دەنساۋلىق ساقتاۋ ينفراقۇرىلىمىن دامىتۋدىڭ وڭىرلىك پەرسپەكتيۆالىق جوسپارى بويىنشا جۇمىستار اتقارىلىپ وتىرعانىن اتاپ ءوتتى.
– بۇگىنگى تاڭدا الماتى وبلىسىنداعى 340 مەملەكەتتىك مەكەمەنىڭ ىشىندە 40 نىساننىڭ ينفراقۇرىلىمىن جاقسارتۋ قاجەت. ول ءۇشىن مەملەكەتتىك-جەكەشەلىك ارىپتەستىك تەتىگىن قولدانۋ جونىندەگى ۇسىنىستار قارالىپ جاتىر.
93 مەكەمەنىڭ ينفاقۇرىلىمى جاقسارتىلدى. اتاپ ايتقاندا 2022 جىلى 30 نىسان، 2023 جىلى 44 نىساننىڭ جۇمىسى اياقتالدى. ال 2024 جىلى 19 نىساندا اياقتاۋ جوسپارلانعان، – دەدى باسقارما باسشىسى.
مەملەكەتتىك-جەكەشەلىك ارىپتەستىك جوباسى – دەنساۋلىق ساقتاۋ نىساندارىن سالۋدا بيۋدجەت قاراجاتىن ۇنەمدەۋگە، زاماناۋي مەديتسينالىق قۇرىلعىلارمەن جابدىقتالعان جاڭا عيماراتتاردى سالۋعا مۇمكىندىك بەرەدى.
وبلىستا جەرگىلىكتى بيۋدجەتتەن بولىنگەن قاراجاتقا 2022 جىلى 4 نىسانعا، 2023 جىلى 1 نىسانعا جوندەۋ جۇمىستارى جۇرگىزىلدى. سونداي-اق 6 مەديتسينالىق مەكەمە كۇردەلى جوندەۋدەن ءوتتى. 2023 – 2024 جىلدارى 5 مەكەمەدە كۇردەلى جوندەۋ جۇمىستارىن جۇرگىزۋ جوسپارلانعان.
سونىمەن قاتار 2022 جىلى 4 نىساننىڭ قۇرىلىسى اياقتالىپ، 16 بلوكتى-مودۋلدىك كەشەن قولدانىسقا بەرىلدى. 2023 جىلى 11 بلوكتى-مودۋلدىك كەشەن ورناتۋ جۇمىستارى اياقتالادى.
2023 جىلى جەرگىلىكتى بيۋدجەتتەن بولىنگەن قاراجاتقا 6 وبەكتىدە قۇرىلىس-مونتاجداۋ جۇمىستارى (2 ەمحانا; 2 دارىگەرلىك امبۋلاتوريا; 1 فەلدشەرلىك-اكۋشەرلىك پۋنكت; 1 مەديتسينالىق پۋنكت) جۇرگىزىلەدى، ونىڭ 4-ءۋى 2023 جىلى، 2-ءۋى نىساننىڭ جۇمىسى 2024 جىلى (2-ەمحانا) اياقتالادى دەپ جوسپارلانىپ وتىر.
سونىمەن قاتار رەسپۋبليكالىق بيۋدجەتتەن بولىنگەن قاراجاتقا 2 اۋرۋحانانى جاڭعىرتۋ جۇمىستارى 2024 جىلى اياقتالادى. 2023 جىلى 27 مساك وبەكتىسىن، 2024 جىلى 11 وبەكتىنى سالۋ كوزدەلگەن.
