«ادىرنا» ۇلتتىق-ەتنوگرافيالىق بىرلەستىگى» قوعامدىق قورى قر اقپارات جانە قوعامدىق دامۋ مينيسترلىگى قولداۋىمەن «ازاماتتىق باستامالاردى قولداۋ ورتالىعى» كەاق مەملەكەتتىك گرانت اياسىندا «ءداستۇرلى رۋحاني قۇندىلىقتاردى قولداۋ جونىندەگى جۇمىستاردى جۇرگىزۋ» اتتى الەۋمەتتىك جوبانى جۇزەگە اسىرۋعا كىرىستى.
جوبانىڭ ماقساتى – ۇلتتىق قۇندىلىقتارىمىز نەگىزىندە ءدىني ەكستريميستىك اعىمدارعا قارسى كەشەندى كۇرەس جۇرگىزۋ، ءتول تاريحىمىز بەن مادەني ەرەكشەلىكتەرىمىزدىڭ كومەگىنە سۇيەنىپ جاستاردىڭ بويىنداعى مەملەكەتشىلدىك، وتانشىلدىق قاسيەتتەردى قالىپتاستىرۋعا ۇلەس قوسۋ.
جوبا اياسىندا «ادىرنا» ۇيىمى قازاقستاننىڭ بارلىق ايماقتارىنداعى جوعارى وقۋ ورىندارىنىڭ 1-2 كۋرس ستۋدەنتتەرىنە دارىستەر، ءدىني وقۋ ورىندارىندا سەمينار-ترەنينگتەر، دىندەر تاريحى مەن ءدىني اعىمدارمەن كۇرەس تاقىرىبىن زەرتتەۋگە، تالقىلاۋعا ارنالعان دوڭگەلەك ۇستەل مەن كونفەرەنتسيا، ۇلتتىق مۋزىكا كونتسەرتى مەن جۋرناليستەر اراسىندا بايقاۋ ۇيىمداستىرىپ، كونفەرەنتسيا جيناعى، ادىستەمەلىك قۇرال مەن بۋكلەتتەر جارىق كورەدى.
جوبانى جۇزەگە اسىرۋ 2019 جىلدىڭ ناۋرىز بەن قاراشا ايلارى ارالىعىندا وتەدى.
