قىتاي توراعاسى سي تسزينپين
پەكيندەگى دياويۋيتاي رەزيدەنتسياسىندا اقش-تىڭ بۇرىنعى مەملەكەتتىك حاتشىسى گەنري كيسسيندجەرمەن كەزدەستى، دەپ حابارلايدى «ادىرنا» ءتىلشىسى.
جۇزدەسۋ بارىسىندا قىتاي باسشىسى ەكى ەل اراسىنداعى قارىم-قاتىناس ماسەلەسىن قوزعادى.
«قىتاي مەن امەريكا قۇراما شتاتتارى تاعى دا جول ايرىعىندا تۇر. تاراپتار قاي جولمەن بارارىن بىلمەيدى. قايتادان تاڭداۋ جاساۋ كەرەك. بولاشاقتا بۇل ەكى مەملەكەت مىندەتتى تۇردە ورتاق تابىس پەن وركەندەۋگە قول جەتكىزە الادى دەپ سەنەمىن. ەڭ باستىسى ءوزارا ءتيىمدى ىنتىماقتاستىق قاعيداتتارىن ۇستانۋ قاجەت»،—دەدى ول.
سي تسزينپين قىتايلىقتاردىڭ دوستىقتى ەرەكشە باعالايتىنىن اتاپ ءوتتى.
«ءبىز قىتاي-اقش قارىم-قاتىناسىن دامىتۋعا جانە حالىقتار اراسىنداعى دوستىقتى نىعايتۋعا قوسقان تاريحي ۇلەسىڭىزدى ەشقاشان ۇمىتپايمىز. ءسىز جانە اقش-تاعى باسقا دا زيالىلار ەكى مەملەكەتتىڭ دوستىعىن قالپىنا كەلتىرۋگە كومەكتەسۋ ءۇشىن سىندارلى ءرول اتقارا بەرەدى دەپ ۇمىتتەنەمىن»،—دەپ تولىقتىردى قىتاي توراعاسى.
گەنري كيسسيندجەر سي تسزينپينگە العىسىن ءبىلدىرىپ، حالىقتار حالىقتارى اراسىنداعى ءوزارا تۇسىنىستىكتى ودان ءارى دامىتۋعا نيەتتى ەكەنىن ءبىلدىردى.
