AQŞ-tyŋ Reseige qarsy sanksiialary Qazaqstanǧa qauıp töndırmeidı. Būl turaly Syrtqy ıster ministrınıŋ orynbasary Almas Aidarov aitty, dep habarlaidy “Adyrna” ūlttyq portaly.
Soŋǧy sanksiialar paketınen Qazaqstanǧa eşqandai qauıp-qater tönbeidı. Sondai-aq sanksiia saludyŋ alǧyşarttary joq, - dedı Syrtqy ıster ministrınıŋ orynbasary Almas Aidarov.
Onyŋ aituynşa, Syrtqy ıster ministrlıgı Reseige qarsy sanksiialar engızılgen künnen bastap būl üderıstı belsendı türde baqylap otyrady.
Bız sanksiialardan jaltaratyn nemese ony jasyratyn äreketterge barmaimyz. Sonymen qatar Reseimen dästürlı ekonomikalyq qarym-qatynasymyzdy jalǧastyramyz, - dedı Aidarov.
Ol Qazaqstan 2022 jyldan bastap Reseige äskeri tauarlardy jetkızuge tyiym salǧanyn aitty. Qosarly maqsattaǧy tauarlar üşın arnaiy sertifikattau engızıldı, iaǧni olardy eksporttau üşın arnaiy rūqsat qajet. Sonymen qatar, elektrondy şot-fakturalar (ESIs) Qazaqstannan nemese Qazaqstan arqyly jöneltıletın barlyq tauarlardy baqylaidy.
Sondai-aq, memlekettık kırıster komitetınıŋ barlyq jüielerıne täuekelderdı basqaru jüiesı engızıldı. Būl jüie zaŋsyz äreket jasaityn kompaniialardy anyqtaidy.
