الماتىدا الەۋمەتتىك نىساندارعا كەزەڭ-كەزەڭمەن جىلۋ بەرۋ باستالدى، دەپ حابارلايدى «ادىرنا» ۇلتتىق پورتالى Tengrinews.kz سايتىنا سىلتەمە جاساپ.
ونىڭ ىشىندە، مەكتەپتەر، بالاباقشالار، اۋرۋحانالار مەن ەمحانالارعا جىلۋ بەرىلە باستادى.
جاڭا جىلىتۋ ماۋسىمىنىڭ باستالۋى مەتەورولوگيالىق بولجامدار مەن الماتىداعى اۋا رايىنىڭ كۇندەلىكتى مونيتورينگى نەگىزىندە ايقىندالادى.
الماتى قالاسىندا جىلىتۋ ماۋسىمىنا دايىنداۋ جانە وتكىزۋ ەرەجەسىنە سايكەس، جىلىتۋ كەزەڭى تەمپەراتۋرالىق رەجيمدى ەسكەرىلە وتىرىپ باستالادى.
بۇل رەتتە، تۇتىنۋشىلارعا جىلۋ بەرۋ مىناداي كەزەكپەن جۇرگىزىلەدى:
- بالالار، ەمدەۋ، مەكتەپ مەكەمەسى، كاسىپتىك مەكتەپتەر، مەديتسينالىق-الەۋمەتتىك مەكەمەلەر:
- تۇرعىن ۇيلەر، جاتاقحانالار، قوناق ۇيلەر;
- اكىمشىلىك عيماراتتار، وقۋ ورىندارى، تەاترلار;
- باسقا دا عيماراتتار.
«الجج» جشس جىلۋدى تۇرعىن ءۇي باسقارۋ ورگاندارىنا دەيىن جەتكىزەدى، ءارى قاراي ءار ءۇيدىڭ دايىندىعىنا سولار جاۋاپتى. تۇتىنۋشىلاردى جىلۋمەن جابدىقتاۋدىڭ ىشكى جۇيەسىنە قىزمەت كورسەتەتىن ورىندايتىن اپاتتىق (سەرۆيستىك) قىزمەتتەر - پيك، ميباپاتتىق جاعداي بولماسا، جىلۋ بەرۋدى ءوز بەتىنشە ورىنداۋى كەرەك نەمەسە وسى قىزمەتتى ورىندايتىن مەكەمەنى جالداۋعا ءتيىس.
جىلىتۋ ماۋسىمى باستالعان كەزدە كۇتپەگەن جاعداي تۋىنداعان كەزدە تۇرعىندار «الماتى جىلۋ جەلىلەرى»جشس-نە تەلەفون ارقىلى حابارلاسا الادى.
«مەديتسينا، ءبىلىم بەرۋ ۇيىمدارىمەن وزگە دە الەۋمەتتىك نىساندارعا 10 قازاننان باستاپ كەزەڭ-كەزەڭىمەن جىلۋ بەرىلەدى»، - دەدى «الجج» جشس وكىلدەرى.
ءبىرىنشى كەزەكتە الەۋمەتتىك نىسانداردى جىلۋ جۇيەسىنە قوسۋ جوسپارلانعان. مۇنداي شەشىم وسى ۇيىمداردىڭ جۇمىس ەرەكشەلىگىن ەسكەرىپ قابىلداندى.
«ادىرنا» ۇلتتىق پورتالى
ۇقساس جاڭالىقتار
