تۇركىستان قالالىق فيليالىنىڭ ەكسترەميزمگە قارسى كۇرەس ءبولىمىنىڭ قىزمەتكەرلەرى وبلىس بويىنشا ۇلتتىق قاۋىپسىزدىك كوميتەتىمەن بىرلەسە وتىرىپ، كامەلەتكە تولماعاندارعا زاڭسىز ءدىني ساباقتار بەرگەن ازاماتتى انىقتادى، دەپ جازادى "ادىرنا".
تۇركىستان قالاسىنىڭ تۇرعىنى ۇيىندە 5 پەن 17 جاس ارالىعىنداعى 68 بالاعا زاڭسىز ءدارىس بەرىپ، ءدىني ۋاعىز ايتىپ، 100 مىڭ تەڭگەدەي اقى جيناعان.
كورسەتىلگەن مەكەنجاي بويىنشا تەكسەرۋ بارىسىندا 68 بالانىڭ ءدىني ءدارىس العانى انىقتالدى. بۇل رەتتە وقۋشىلار اراسىندا تەك تۇركىستاننان عانا ەمەس، شىعىس قازاقستان، جامبىل وبلىستارى، اباي اۋدانى جانە وزبەكستان رەسپۋبليكاسىنان كەلگەن بالالار بولعان.
بۇل رەتتە پوليتسەيلەر جەرگىلىكتى تۇرعىننىڭ ۇيىنەن ساراپتاماعا جىبەرىلگەن ءدىني سيپاتتاعى 100-دەن استام كىتاپتى تاركىلەدى.
ەر ادامعا قاتىستى قر اكىمشىلىك كودەكسىنىڭ "قر-نىڭ ءدىني قىزمەت جانە ءدىني بىرلەستىكتەر تۋرالى زاڭناماسىن بۇزۋ" بابى بويىنشا اكىمشىلىك حاتتاما تولتىرىلدى.
تۇركىستان وبلىسىنىڭ پوليتسەيلەرى ازاماتتاردىڭ زاڭسىز ءدىني قىزمەتپەن اينالىسۋ جانە ءدىني ادەبيەتتەردى تاراتۋ ءۇشىن جاۋاپكەرشىلىككە تارتىلاتىنىن ەسكەرتەدى.
