Memleket basshysy Muhammed paıǵambar meshitine zııarat etti, - dep habarlaıdy "Adyrna" tilshisi Aqordaǵa silteme jasap.
Prezıdent Qasym-Jomart Toqaevtyń Saýd Arabııasy Koroldigine jumys sapary Islamda ekinshi qasıetti oryn sanalatyn Medına qalasyndaǵy Muhammed paıǵambar meshitine barýdan bastaldy.
Memleket basshysy Muhammed paıǵambardyń qabirine zııarat etip, duǵa jasady. Qazaqstan Prezıdentiniń kelýine oraı oǵan erekshe qurmet retinde Paıǵambar jerlengen kıeli orynnyń esigi ashyldy.
Keıin Prezıdent Qasym-Jomart Toqaev Qos kıeniń saqshysy – Saýd Arabııasynyń Koroli Salman ben Ábdelazız Ál Saýdtyń shaqyrýymen Jıdda qalasyna jumys saparymen bardy. Memleket basshysyn áýejaıda Mekke provınııasy gýbernatorynyń orynbasary, hanzada Badr ben Sultan ben Ábdelazız, Jıdda provınııasynyń gýbernatory Salıh ben Álı At-Túrkı qarsy aldy.
Búgin Qasym-Jomart Toqaev Jıdda qalasynda ótetin "Ortalyq Azııa + Shyǵanaqtaǵy arab memleketteriniń yntymaqtastyq keńesi" atty memleketter basshylarynyń birinshi sammıtine qatysady.
