ەلدەن زاڭسىز شىعارىلعان قارجىنى قايتارۋ جونىندەگى كوميسسيا قۇرامىنا كىمدەر كىردى؟

1754
Adyrna.kz Telegram
فوتو: egemen.kz
فوتو: egemen.kz

قازاقستان پرەزيدەنتىنىڭ ەكونوميكالىق رەسۋرستاردى زاڭسىز شىعارۋعا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا قۇرۋ تۋرالى جارلىعىنىڭ تولىق ءماتىنى جاريالاندى، دەپ حابارلايدى “ادىرنا” ۇلتتىق پورتالى.

پرەزيدەنت ەلدەن زاڭسىز شىعارىلعان قاراجاتتى قازاقستانعا قايتارۋ، سونداي-اق، زاڭسىز جولمەن الىنعان ەكونوميكالىق رەسۋرستاردىڭ مونوپوليالىق (وليگوپوليالىق) شوعىرلانۋىن انىقتاۋ، ولاردى مەملەكەتكە قايتارۋ ماقساتىندا ۆەدومستۆوارالىق كوميسسيا قۇرۋعا قاۋلى ەتتى.

كوميسسيا قۇرامى:

  • باس پروكۋرور، توراعا;
  • باس پروكۋروردىڭ ورىنباسارى، توراعانىڭ ورىنباسارى;
  • ۇلتتىق بانك توراعاسى;
  • پرەمەر-ءمينيستردىڭ ورىنباسارى - سىرتقى ىستەر ءمينيسترى;
  • پرەمەر-ءمينيستردىڭ ورىنباسارى - قارجى ءمينيسترى;
  • "سامۇرىق-قازىنا" ۇلتتىق ءال-اۋقات قورى " اق باسقارما توراعاسى;
  • ۇلتتىق قاۋىپسىزدىك كوميتەتىنىڭ توراعاسى;
  • باسەكەلەستىكتى قورعاۋ جانە دامىتۋ اگەنتتىگىنىڭ توراعاسى;
  • قارجى نارىعىن رەتتەۋ جانە دامىتۋ اگەنتتىگىنىڭ توراعاسى;
  • قارجى مونيتورينگى اگەنتتىگىنىڭ توراعاسى;
  • سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى;
  • ىشكى ىستەر ءمينيسترى;
  • ادىلەت ءمينيسترى.

ۆەدومستۆوارالىق كوميسسياعا ءبىر اپتا ىشىندە ۆەدومستۆوارالىق كوميسسيا تۋرالى ەرەجەنىڭ جوباسىن پرەزيدەنتتىڭ قاراۋىنا ەنگىزۋ تاپسىرىلدى.

بۇدان بولەك، كوميسسيا ەكى اپتادا ءبىر رەت ءوز جۇمىسى تۋرالى باياندايتىن بولادى.

جارلىقتىڭ ورىندالۋىن باقىلاۋ پرەزيدەنت اكىمشىلىگىنە جۇكتەلگەن.

جارلىق قول قويىلعان كۇننەن باستاپ كۇشىنە ەندى.

”ادىرنا” ۇلتتىق پورتالى

پىكىرلەر