الماتىداعى “ارمان دالا” بالالار لاگەرىنە قاتىستى قر بالا قۇقىقتارى جونىندەگى ۋاكىل مالىمدەمە جاسادى، دەپ حابارلايدى “ادىرنا”.
قازاقستان رەسپۋبليكاسىنداعى بالا قۇقىقتارى جونىندەگى ۋاكىلى دينارا زاكيەۆا ءوزىنىڭ الەۋمەتتىك جەلىدەگى پاراقشاسىندا:
«الماتى ماڭىنداعى "ارمان دالا" لاگەرىنە قاتىستى. كەشە تۇستە ءبىلىم باسقارماسىنىڭ قىزمەتكەرلەرى لاگەرگە جولعا شىقتى. ۇيىممەن جاسالعان كەلىسىم-شارت بۇزىلاتىن بولدى. لاگەر يەسىنە ءتيىستى شارالار قابىلدانادى. بالالار ءوز ۇيلەرىنە جەتكىزىلدى، جاقىن ارادا ولار باسقا لاگەرلەرگە جىبەرىلەدى»،-دەپ جازدى.
سونىمەن قاتار ول تۇركىستان وبلىسىنداعى كەي لاگەرلەردىڭ دە جاعدايى كوڭىل كونشىتەرلىك ەمەستىگىن اتاپ، سول جاقتا بولعاندىعىن مالىمدەدى.
ەلىمىزدە 120 مەملەكەتتىك، 98 جەكەمەنشىك، 900 شاتىرلى، 9,5 مىڭ مەكتەپ جانىنداعى لاگەر جۇمىس جاسايدى ەكەن. زاكيەۆانىڭ ايتۋىنشا ولاردىڭ ۇستىنەن تۇسەر ارىز بەن شاعىم كوپ. سول سەبەپتى دە موراتوريدى جويىپ، بىرىڭعاي جۇمىس تالاپتارى مەن ستاندارتتاردى ەنگىزۋ قولعا الىنعان.
ۋاكىل وسىعان سايكەس بارلىق ۇسىنىس پەن تالاپتاردى كۇزدە پارلامەنتكە جولداۋدى جوسپارلاپ وتىر.
