الماتىنىڭ ناۋرىزباي اۋدانىندا جول تالعامايتىن كولىك بالانى قاعىپ كەتتى، دەپ حابارلايدى "ادىرنا" ۇلتتىق پورتالى.
وقيعا 10 تامىز كۇنى، ساعات 13:30 شاماسىندا بولعان.
«اۆتوكولىك جۇرگىزۋشىسى حيگاي كوشەسىمەن شىعىس باعىتتا كەلە جاتىپ، جولدىڭ ءجۇرىس بولىگىندە تۇرعان بالانى قاعىپ كەتكەن. وكىنىشكە قاراي، 2013 جىلى تۋعان ۇل بالا وقيعا ورنىندا قازا تاپتى»، – دەدى الماتى قالالىق پوليتسيا دەپارتامەنتى.
پوليتسيانىڭ مالىمەتىنشە، اتالعان دەرەك بويىنشا الماتى قالالىق پد تەرگەۋ باسقارماسى قىلمىستىق ءىس قوزعادى. سونداي-اق ءتيىستى ساراپتاما تاعايىندالعان.
ۇقساس جاڭالىقتار
